അമേരിക്കൻ പ്രസിഡന്‍റ് ജോ ബൈഡനു കൊവിഡ്-19 സ്ഥിരീകരിച്ചെന്ന റിപ്പോർട്ടുകൾ പുറത്തുവന്നതിന് പിന്നാലെ അദ്ദേഹത്തിന് വേഗത്തിൽ സുഖം പ്രാപിക്കട്ടെയെന്ന് ആശംസിച്ച് പ്രധാനമന്ത്രി നരേന്ദ്ര മോദി. ബൈഡൻ വേഗത്തിൽ സുഖം പ്രാപിക്കട്ടെയെന്നും അദ്ദേഹത്തിന്‍റെ നല്ല ആരോഗ്യത്തിനായി പ്രാർത്ഥിക്കുന്നുവെന്നും മോദി ട്വീറ്റ് ചെയ്തു.
ബൈഡൻ കോവിഡ് -19 പോസിറ്റീവ് ആണെന്നും നേരിയ ലക്ഷണങ്ങൾ കാണിക്കുന്നതായും വൈറ്റ് ഹൗസ് ഔദ്യോഗികമായി പ്രഖ്യാപിച്ചു. ബൈഡന് 79 വയസ്സുണ്ട്. കോവിഡ് -19 വാക്സിന്‍റെ രണ്ട് ഡോസുകളും സ്വീകരിച്ച ബൈഡൻ രണ്ട് തവണ ബൂസ്റ്റർ വാക്സിനും സ്വീകരിച്ചിരുന്നു.
