ഈ വർഷം ഓഗസ്റ്റിൽ വത്തിക്കാനിൽ നടക്കുന്ന ചടങ്ങിൽ കർദിനാൾ പദവിയിലേക്ക് ഉയർത്തുന്ന 21 പേരിൽ, രണ്ട് ഇന്ത്യക്കാരും. ഗോവയിലെ ആർച്ച് ബിഷപ്പ് നേരി അന്റോണിയോ സെബാസ്റ്റ്യാവോ ഡി റൊസാരിയോ ഫെറാവോ, ഹൈദരാബാദിലെ ആർച്ച് ബിഷപ്പ് ആന്റണി പൂള എന്നിവരാണ് പട്ടികയിലുള്ള ഇന്ത്യക്കാർ. ഇവരെ ഫ്രാൻസിസ് മാർപാപ്പ കർദിനാൾ പദവിയിലേക്ക് ഉയർത്തും.
പുതിയ കർദിനാൾമാരെ പ്രഖ്യാപിക്കാൻ ഓഗസ്റ്റ് 27 ന് കോൺസ്റ്ററി നടത്തുമെന്ന് ഫ്രാൻസിസ് മാർപാപ്പ ഞായറാഴ്ച റെജീന കൊയ്ലിയുടെ സമാപനത്തിൽ പറഞ്ഞതായി റിപ്പോർട്ടിൽ പറയുന്നു. പുതിയ അപ്പസ്തോലിക ഭരണഘടന സുവിശേഷം സംബന്ധിച്ച് ചർച്ച ചെയ്യാൻ ഓഗസ്റ്റ് 29, 30 തീയതികളിൽ എല്ലാ കർദിനാൾമാരുമായും കൂടിക്കാഴ്ച നടത്തുമെന്നും അദ്ദേഹം പറഞ്ഞു. പുതുതായി ചുമതലയേറ്റ കർദിനാൾമാരിൽ എട്ടുപേർ യൂറോപ്പിൽ നിന്നുള്ളവരാണ്. ആറ് പേർ ഏഷ്യയിൽ നിന്നും ആറ് പേർ ആഫ്രിക്കയിൽ നിന്നും ഒരാൾ വടക്കേ അമേരിക്കയിൽ നിന്നും ബാക്കിയുള്ളവർ മധ്യ, ലാറ്റിനമേരിക്കയിൽ നിന്നും.
നിലിവിൽ ഇവരുടെ കീഴിൽ 208 കർദിനാൾമാരുണ്ട്. ഇതിൽ 117 പേർ ഇലക്‌ടർമാരും 91 പേർ നോൺ-ഇലക്ടേഴ്സുമാണ്. ഓഗസ്റ്റ് 27 ആകുമ്പോൾ ഇവരുടെ എണ്ണം 229 ആയി ഉയരും. ഇതിൽ 131 പേർ ഇലക്‌ടർമാരായിരിക്കും എന്നാണു റിപ്പോർട്ടുകൾ . 1953 ജനുവരി 20ന് പനാജിക്കടുത്തുള്ള അൽഡോണ എന്ന ഗ്രാമത്തിലാണ് ഫെറാവ് ജനിച്ചത്. സാലിഗാവോയിലെ ഔവർ ലേഡീസ് സെമിനാരിയിൽ മതപഠനം ആരംഭിച്ച ശേഷം അദ്ദേഹം പൂനെയിലെ മാർപ്പാപ്പ സെമിനാരിയിലേക്ക് പോയതായി ഗോവയിലെ പനാജിയിലെ ആർച്ച് ബിഷപ്പ് കൊട്ടാരത്തിലെ ഒരു മുതിർന്ന ഉദ്യോഗസ്ഥൻ പറഞ്ഞു.