ലോകത്താകമാനം പ്രതിദിനം 4,000 ലധികം പേരെ എച്ച്ഐവി ബാധിക്കുന്നതായി ഐക്യരാഷ്ട്രസഭ. “പുതിയ എച്ച്ഐവി അണുബാധ കുറയ്ക്കുന്നതിലെ പുരോഗതി മന്ദഗതിയിലാണ്, ലോകമെമ്പാടും പ്രതിദിനം 4,000 പേർക്ക് രോഗം ബാധിക്കുന്നു. എച്ച്ഐവി പ്രതിരോധത്തിലും ചികിത്സയിലും നിക്ഷേപം വർദ്ധിപ്പിക്കാൻ @UNAIDS രാജ്യങ്ങളോട് അഭ്യർത്ഥിക്കുന്നു, “യുഎൻ ട്വീറ്റ് ചെയ്തു.
ആഗോള എച്ച്ഐവി പ്രതികരണത്തെക്കുറിച്ചുള്ള സംയുക്ത ഐക്യരഷ്ട്രസഭാ പരിപാടി ഓൺ എച്ച്ഐവി / എയ്ഡ്സിൽ നിന്നുളള ഏറ്റവും പുതിയ ഡാറ്റ വെളിപ്പെടുത്തുന്നത് കോവിഡ് -19 ന്‍റെ കഴിഞ്ഞ രണ്ട് വർഷങ്ങളിലും മറ്റ് ആഗോള പ്രതിസന്ധികളിലും എച്ച്ഐവി പകർച്ചവ്യാധിക്കെതിരായ പ്രതിരോധം മന്ദഗതിയിലാവുകയും വിഭവങ്ങൾ കുറയുകയും ദശലക്ഷക്കണക്കിന് ആളുകളുടെ ജീവൻ അപകടത്തിലാവുകയും ചെയ്തു. കാനഡയിലെ മോണ്ട്രിയലിൽ നടക്കുന്ന അന്താരാഷ്ട്ര എയ്ഡ്സ് കോൺഫറൻസിന് മുന്നോടിയായാണ് ഇൻ ഡേഞ്ചർ എന്ന പുതിയ റിപ്പോർട്ട് പുറത്തുവരുന്നത്.
2020 നും 2021 നും ഇടയിൽ, ആഗോളതലത്തിൽ പുതിയ അണുബാധകളുടെ എണ്ണം 3.6 ശതമാനം മാത്രമാണ് കുറഞ്ഞത്. ഇത് 2016 ന് ശേഷമുള്ള പുതിയ എച്ച്ഐവി അണുബാധകളിലെ ഏറ്റവും ചെറിയ വാർഷിക ഇടിവാണ്. കിഴക്കൻ യൂറോപ്പ്, മധ്യേഷ്യ, മിഡിൽ ഈസ്റ്റ്, നോർത്ത് ആഫ്രിക്ക, ലാറ്റിൻ അമേരിക്ക എന്നിവിടങ്ങളിൽ വർഷങ്ങളായി വാർഷിക എച്ച്ഐവി അണുബാധ വർദ്ധിച്ചതായി പത്രക്കുറിപ്പിൽ പറയുന്നു.