ന്യൂഡല്‍ഹി: 24 മണിക്കൂറിൽ 1,216 പേർക്ക് കൊറോണ വൈറസ് ബാധ സ്ഥിരീകരിച്ചതോടെ, ഇന്ത്യയിലെ കോവിഡ്-19 കേസുകളുടെ എണ്ണം 4 കോടിക്ക് മുകളിലായി. അതേസമയം സജീവ കേസുകൾ 15,705 ആയി കുറഞ്ഞതായി കേന്ദ്ര ആരോഗ്യ മന്ത്രാലയം വെള്ളിയാഴ്ച അപ്ഡേറ്റ് ചെയ്ത കണക്കുകൾ വ്യക്തമാക്കുന്നു. 18 പേർ കൂടി മരിച്ചതോടെ മരണസംഖ്യ 5,30,479 ആയി ഉയർന്നു.
മൊത്തം അണുബാധയുടെ 0.04 ശതമാനമാണ് സജീവ കേസുകൾ, അതേസമയം ദേശീയ കോവിഡ്-19 രോഗമുക്തി നിരക്ക് 98.78 ശതമാനമായി ഉയർന്നതായി ആരോഗ്യ മന്ത്രാലയത്തിന്‍റെ വെബ്സൈറ്റ് പറയുന്നു. കഴിഞ്ഞ 24 മണിക്കൂറിനുള്ളിൽ സജീവമായ കോവിഡ്-19 കേസുകളിൽ 393 കേസുകളുടെ കുറവ് രേഖപ്പെടുത്തി. രോഗമുക്തി നേടിയവരുടെ എണ്ണം 4,41,12,181 ആയും മരണനിരക്ക് 1.19 ശതമാനമായും ഉയർന്നു.
രാജ്യവ്യാപക വാക്സിനേഷൻ യജ്ഞത്തിന് കീഴിൽ രാജ്യത്ത് ഇതുവരെ 219.69 കോടി ഡോസ് കോവിഡ് വാക്സിൻ നൽകിയതായി മന്ത്രാലയത്തിന്‍റെ വെബ്സൈറ്റ് വ്യക്തമാക്കുന്നു.