മാനന്തവാടി: വന്യ മൃഗങ്ങളിൽ നിന്ന് കർഷകരെ സംരക്ഷിക്കാൻ സംസ്ഥാന സർക്കാർ ഒന്നും ചെയ്യുന്നില്ലെന്ന് രാഹുൽ ഗാന്ധി. മാനന്തവാടി ഫയർഫോഴ്സ് സഹകരണ ബാങ്ക് ശതാബ്ദി ആഘോഷത്തിൽ സംസാരിക്കുകയായിരുന്നു രാഹുൽ ഗാന്ധി. തുടർന്ന് വയനാട് കളക്ടറേറ്റിൽ നടക്കുന്ന ദിശാ യോഗത്തിലും എം.പി ഫണ്ട് അവലോകന യോഗത്തിലും ബഫർ സോൺ വിഷയത്തിൽ ബത്തേരി ഗാന്ധി സ്ക്വയറിൽ നടക്കുന്ന ബഹുജന സമ്മേളനത്തിലും അദ്ദേഹം പങ്കെടുക്കും.
കർഷകരുടെ കഠിനാധ്വാനത്തെ അഭിനന്ദിക്കുന്നു. കർഷകരാണ് രാജ്യത്തിന്റെ വികസനത്തിന്റെ അടിസ്ഥാനം.
കർഷകർക്ക് ഇപ്പോൾ കേന്ദ്രസർക്കാരിന്റെ പിന്തുണ ലഭിക്കുന്നില്ല. കാർഷിക നിയമങ്ങൾ കാർഷിക മേഖലയെ തകർത്തു. കർഷകരുടെ ചെറുകിട കടങ്ങൾ എഴുതിത്തള്ളാൻ കേന്ദ്ര സർക്കാർ തയ്യാറല്ല. ബഫർ സോൺ വിഷയത്തിൽ കേന്ദ്ര- സംസ്ഥാന സർക്കാരുകളെയും അദ്ദേഹം വിമർശിച്ചു. വന്യ മൃഗങ്ങളിൽ നിന്ന് കർഷകരെ സംരക്ഷിക്കാൻ സംസ്ഥാന സർക്കാർ ഒന്നും ചെയ്യുന്നില്ല. ഭൂമി ഏറ്റെടുക്കൽ നിയമഭേദഗതിയിൽ അഭിമാനിക്കുന്നു. യുപിഐ സർക്കാർ കർഷകർക്കായി കൊണ്ടുവന്ന നിയമമെന്ന് രാഹുൽ ഗാന്ധി പറഞ്ഞു.
മൂന്ന് ദിവസത്തെ കേരള സന്ദർശനത്തിനെത്തിയ രാഹുൽ ഗാന്ധി കനത്ത സുരക്ഷയിലാണ്. അഞ്ച് ഡിവൈ.എസ്.പിമാരുടെ നേതൃത്വത്തിലുള്ള സുരക്ഷാ സംഘത്തെയാണ് കണ്ണൂർ വിമാനത്താവളത്തിൽ രാഹുലിന്റെ സുരക്ഷയ്ക്കായി വിന്യസിച്ചിരിക്കുന്നത്. സി.ആർ.പി.എഫിന്റെ സുരക്ഷയ്ക്ക് പുറമേ 500 പോലീസുകാരെ കൂടി ജില്ലയിൽ വിന്യസിച്ചിട്ടുണ്ടെന്ന് സിറ്റി പൊലീസ് കമ്മീഷണർ ആർ ഇളങ്കോ പറഞ്ഞു.