രാഹുൽ ഗാന്ധിയുടെ ഓഫീസിന് നേരെ എസ്.എഫ്.ഐ പ്രവർത്തകർ ആക്രമണം നടത്തിയതിനെക്കുറിച്ച് നിയമസഭയിൽ പ്രതികരിക്കാതിരുന്ന മുഖ്യമന്ത്രി പിണറായി വിജയനെ കുട്ടിക്കോമാളികളുടെ നേതാവെന്ന് വിളിച്ച് തൃക്കാക്കര എം.എൽ .എ ഉമാ തോമസ്.
‘നമ്മുടെ ആദരണീയനായ നേതാവ് രാഹുൽ ഗാന്ധിയുടെ ഓഫീസ് തകർത്ത കുട്ടിക്കോമാളികളുടെ നേതാവ് ഈ വിഷയത്തിൽ പ്രതികരിക്കാൻ വിസമ്മതിച്ചു. മന്ത്രിമാർ ഉൾപ്പെടെയുള്ളവർ പ്രതിപക്ഷത്തെ പ്രകോപിപ്പിക്കുകയാണുണ്ടായത്.
ഇതോടെ ഞങ്ങൾക്ക് നിയമസഭ ബഹിഷ്കരിക്കേണ്ടി വന്നു,” ആദ്യ നിയമസഭാ സമ്മേളനത്തിന് ശേഷം ഉമാ തോമസ് പറഞ്ഞു. പ്രതിപക്ഷത്തിന്റെ പ്രതിഷേധത്തെ തുടർന്ന് നിയമസഭാ സമ്മേളനം നിർത്തിവച്ചിരുന്നു.