തായ്‌വാനിനടുത്ത് നാവിക കപ്പലുകൾ സ്ഥാപിച്ച് അമേരിക്കയുടെയും ചൈനയുടെയും ശക്തിപ്രകടനം. യുഎസ് ഹൗസ് സ്പീക്കർ നാൻസി പെലോസിയുടെ തായ്‌വാൻ സന്ദർശനത്തിന്‍റെ പശ്ചാത്തലത്തിൽ ചൈനയെയും തായ്‌വാനെയും വേർതിരിക്കുന്ന തായ്‌വാൻ കടലിടുക്കിന് സമീപം പീപ്പിൾസ് ലിബറേഷൻ ആർമി നേവി സൈനികാഭ്യാസം ആരംഭിച്ചു. ഒരു പ്രതിരോധമെന്ന നിലയിൽ, യുഎസ് തങ്ങളുടെ യുദ്ധക്കപ്പലുകൾ തായ്‌വാനു കിഴക്ക് വിന്യസിച്ചു.
തെക്കുകിഴക്കൻ ചൈനയുടെ തീരത്ത് നിന്ന് 100 മൈൽ അകലെയുള്ള തായ്‌വാൻ നിലവിൽ യുഎസ്, ചൈനീസ് യുദ്ധക്കപ്പലുകളാൽ ചുറ്റപ്പെട്ടിരിക്കുകയാണ്. ചൈനയുടെ വിമാനവാഹിനിക്കപ്പലായ ഷാൻഡോംഗ് (സിവി -17) പെലോസിയുടെ സന്ദർശന ദിവസം സന്യ നാവിക താവളത്തിൽ നിന്ന് പുറപ്പെട്ടു, അതേസമയം ലിയോണിംഗ് -001 ക്വിംഗ്‌ദാവോയിലെ ഹോം ബേസിൽ നിന്ന് തായ്‌വാനിലേക്ക് പുറപ്പെട്ടു.
അതേസമയം, ഓഗസ്റ്റ് രണ്ടിന് പെലോസി രാജ്യത്ത് എത്തിയ ഉടൻ 21 ചൈനീസ് യുദ്ധവിമാനങ്ങൾ തങ്ങളുടെ വ്യോമാതിർത്തിയിൽ പ്രവേശിച്ചതായി തായ്‌വാൻ അവകാശപ്പെട്ടു. ഇതിന് മറുപടിയായി, തായ്‌വാൻ വ്യോമാക്രമണങ്ങളും മോക്ക് മിസൈൽ അലേർട്ടുകളും പോലുള്ള അഭ്യാസങ്ങൾ നടത്തുന്നുണ്ട്. ചൈനയുമായുള്ള വർദ്ധിച്ചുവരുന്ന പിരിമുറുക്കങ്ങൾക്കിടയിൽ യുഎസ് നാവികസേന “പതിവ് വിന്യാസങ്ങൾ” എന്ന് വിശേഷിപ്പിച്ചുകൊണ്ട് തായ്‌വാന്റെ കിഴക്ക് ഒരു വിമാനവാഹിനിക്കപ്പൽ ഉൾപ്പെടെ നാല് യുദ്ധക്കപ്പലുകൾ വിന്യസിച്ചത്. യുഎസ്എസ് റൊണാൾഡ് റീഗൻ, യുഎസ്എസ് ട്രിപ്പോളി, യുഎസ്എസ് അമേരിക്ക, യുഎസ്എസ് എസെക്സ് എന്നിവയാണ് നാല് യുഎസ് യുദ്ധക്കപ്പലുകൾ.