പട്യാല: മനുഷ്യക്കടത്ത് കേസിൽ പഞ്ചാബി ഗായകൻ ദലേർ മെഹന്ദിക്ക് രണ്ട് വർഷം തടവ് ശിക്ഷ. ശിക്ഷ റദ്ദാക്കണമെന്നാവശ്യപ്പെട്ട് ദലേർ മെഹന്ദി സമർപ്പിച്ച ഹർജി പട്യാല ജില്ലാ കോടതി തള്ളി. ഗായകനെ ഉടൻ അറസ്റ്റ് ചെയ്യാനും കോടതി ഉത്തരവിട്ടു. ഇതനുസരിച്ച് ദലേർ മെഹന്ദിയെ പൊലീസ് കസ്റ്റഡിയിലെടുത്തു. 2003ലെ കേസിൽ 19 വർഷത്തിന് ശേഷമാണ് വിധി വന്നത്. ട്രൂപ്പ് അംഗങ്ങളുടെ പേരിൽ വിദേശത്തേക്ക് മനുഷ്യക്കടത്ത് നടത്തിയെന്നാണ് കേസ്.