ഭോപ്പാൽ: ഒരു കപ്പ് ചായയുടെ വില സാധാരണ കടകളിൽ 10 മുതൽ 15 രൂപ വരെയാണ്. സ്റ്റാർ ഉയർന്ന കടകളിലാണെങ്കിൽ, വില ഇതിലും കൂടുതലായിരിക്കും. എന്നാൽ നിങ്ങൾ ശതാബ്ദി എക്സ്പ്രസിൽ നിന്ന് ചായ കുടിച്ചാൽ പൊളളും . ചായയുടെ ചൂട് കൊണ്ടല്ല. കാരണം വിലയാണ്. ശതാബ്ദി എക്സ്പ്രസിൽ ചായ വാങ്ങിയയാളിൽ നിന്ന് 70 രൂപയാണ് ചായക്ക് ഈടാക്കിയത്.
ഡൽഹിയിൽ നിന്ന് ഭോപ്പാലിലേക്കുള്ള യാത്രാമധ്യേ ചായ വാങ്ങിയ ഒരു യാത്രക്കാരൻ ചായയുടെ വില കേട്ട് കണ്ണുതള്ളി പോയി. ചായയ്ക്ക് 20 രൂപയും സർവീസ് ചാർജായി 50 രൂപയും ഈടാക്കി, മൊത്തം 70 രൂപയാണ് അധികൃതർ ചായയ്ക്ക് നൽകിയത്. ആക്ടിവിസ്റ്റ് ബൽഗോവിന്ദ് വർമ്മ ചായയുടെ ബിൽ ട്വീറ്റ് ചെയ്തതോടെയാണ് സംഭവം വിവാദമായത്.