പേപ്പർ റീസൈക്ലിങ്; നൂതന സംരഭം ആരംഭിച്ച് വിമല കോളേജ്

തൃശൂർ: പരിസ്ഥിതി മലിനീകരണവും വനനശീകരണവും തടയുന്നതിനുള്ള നൂതന സംരംഭം ആരംഭിച്ച് വിമല കോളേജ്. വിലക്കയറ്റം സംഭവിക്കുന്നിടത്ത് റീസൈക്ലിംഗിലൂടെ പേപ്പറിനെ പുനരുപയോഗിക്കുകയാണ് ലക്ഷ്യം. ഈ സംരംഭത്തിന് തുടക്കമിട്ട കേരളത്തിലെ ആദ്യ ലൈബ്രറി ഈ കോളേജിന്റെതാണ്. പുസ്തകങ്ങളുടെ മണമുള്ള ഈ ലൈബ്രറിയുടെ ഉൾഭാഗങ്ങളിൽ കലകളുടെ ഭാഗമായ പുരാവസ്തുക്കളുടെ ഒരു ശേഖരവുമുണ്ട്. സന്തോഷത്തോടെ വായിക്കാനും ക്രിയാത്മകമായി ചിന്തിക്കാനും സഹായിക്കുന്ന ഒരു ഗ്രീൻ ഗാർഡൻ ലൈബ്രറിയും ഇതിന്‍റെ സവിശേഷതയാണ്.
പുസ്തകത്തിൽ നിന്ന് അറിവ് നേടുന്നതിന് പുറമേ, പരിസ്ഥിതിയെ സംരക്ഷിക്കാൻ ഭാവി തലമുറകളെ പ്രചോദിപ്പിക്കുന്ന ഈ സംരംഭം മറ്റ് വിദ്യാഭ്യാസ സ്ഥാപനങ്ങൾക്കും ലൈബ്രറികൾക്കും ഒരു മാതൃകയാണ്, വിമല കോളേജിന്‍റെ വിമല പേപ്പർ റീസൈക്ലിംഗ് യൂണിറ്റ് നൂതന ആശയങ്ങളുമായി യാത്ര തുടരുന്നു.