മലപ്പുറം: വിരമിക്കുന്നതിന് തൊട്ടുമുമ്പ് പ്രായപൂർത്തിയാകാത്ത പെൺകുട്ടികളെ പീഡിപ്പിച്ച കേസിൽ, സിപിഎം മുൻ നഗരസഭാംഗവും മുൻ അധ്യാപകനുമായ കെ.വി. ശശികുമാർ വീണ്ടും അറസ്റ്റിൽ. ഒരു പൂർവ്വ വിദ്യാർത്ഥിയുടെ പരാതിയിൽ ശനിയാഴ്ചയാണ് ഇയാളെ അറസ്റ്റ് ചെയ്തത്.
നേരത്തെ രണ്ട് പോക്സോ കേസുകളിൽ ജാമ്യത്തിലിറങ്ങിയ ശേഷമാണ് ഇയാൾ അറസ്റ്റിലായത്. അധ്യാപകനായിരിക്കെ തന്നെ ലൈംഗികമായി പീഡിപ്പിച്ചെന്ന് ആരോപിച്ച് മലപ്പുറത്തെ പൂർവ്വ വിദ്യാർത്ഥിനി നൽകിയ പരാതിയുടെ അടിസ്ഥാനത്തിലാണ് അറസ്റ്റ്. ശശികുമാറിനെ റിമാൻഡ് ചെയ്തു.
വർഷങ്ങളായി വിദ്യാർത്ഥികളെ ലൈംഗികമായി ചൂഷണം ചെയ്തെന്ന പരാതിയിൽ മെയ് 13നാണ് കെ വി ശശികുമാറിനെ മലപ്പുറം പോലീസ് അറസ്റ്റ് ചെയ്തത്. ശശികുമാറിനെതിരെ 50 ലധികം ലൈംഗിക പീഡന പരാതികളാണ് ഉയർന്നത്.