തിരുവനന്തപുരം: രാജ്യം ശ്രദ്ധിക്കുന്ന പോലീസ് സേനയാണ് കേരള പോലീസെന്ന് മുഖ്യമന്ത്രി പിണറായി വിജയൻ. പോലീസ് സേനയിൽ പല മാറ്റങ്ങളും സംഭവിച്ചിട്ടുണ്ട്. പോലീസിൽ ചേരുന്നവർ ഉന്നത വിദ്യാഭ്യാസമുള്ളവരാണെന്നും മുഖ്യമന്ത്രി പറഞ്ഞു. തിരുവനന്തപുരത്ത് പൊലീസ് ഡ്രൈവർ കോൺസ്റ്റബിൾ പാസിംഗ് പരേഡിൽ സംസാരിക്കുകയായിരുന്നു അദ്ദേഹം.
പരിശീലനം പൂർത്തിയാക്കിയ 99 ഡ്രൈവർ പൊലീസ് കോൺസ്റ്റബിൾമാരുടെ പാസിംഗ് ഔട്ട് പരേഡ് നടന്നു. ആറ് മാസത്തെ പരിശീലനം പൂർത്തിയാക്കി 99 പേരാണ് പോലീസ് സേനയിൽ ചേർന്നത്. പൊലീസ് കോൺസ്റ്റബിൾമാരുടെ സല്യൂട്ട് മുഖ്യമന്ത്രി സ്വീകരിച്ചു. ഡി.ജി.പി അനിൽ കാന്ത് ചടങ്ങിൽ സന്നിഹിതനായിരുന്നു.
എന്നാൽ എ.കെ.ജി സെന്ററിന് നേരെ കല്ലെറിയുമെന്ന് ഫേസ്ബുക്കിൽ പോസ്റ്റിട്ടയാളെ കസ്റ്റഡിയിലെടുത്തു. അന്തിയൂർകോണം സ്വദേശിയെ പൊലീസ് ചോദ്യം ചെയ്തു വരികയാണ്. കാട്ടായിക്കോണത്തെ വാടകവീട്ടിൽ നിന്നാണ് ഇയാളെ കസ്റ്റഡിയിലെടുത്തത്. കൂടുതൽ വിവരങ്ങൾ ലഭ്യമല്ല. അതേസമയം, എകെജി സെന്റർ ആക്രമണവുമായി ബന്ധപ്പെട്ട അന്വേഷണവുമായി ബന്ധപ്പെട്ട് മുഖ്യമന്ത്രിക്കെതിരെ പ്രതിഷേധം ശക്തമാക്കാനൊരുങ്ങുകയാണ് യുഡിഎഫ്. സെക്രട്ടേറിയറ്റിലേക്കും കളക്ടറേറ്റിലേക്കും യു.ഡി.എഫ് ഇന്ന് മാർച്ച് നടത്തും.