സ്കൂളുകളിലെ ഉച്ചഭക്ഷണത്തിൽ നിന്ന് മുട്ടയും മാംസവും ഒഴിവാക്കണമെന്ന് ദേശീയ വിദ്യാഭ്യാസ നയത്തിന്‍റെ (എൻഇപി) കർണാടക കമ്മിറ്റി ശുപാർശ ചെയ്തു. മുട്ടയും മാംസവും പതിവായി കഴിക്കുന്നത് പ്രമേഹം, നേരത്തെയുള്ള ആർത്തവം, പ്രാഥമിക വന്ധ്യത എന്നിവയുൾപ്പെടെയുള്ള ‘ജീവിതശൈലി രോഗങ്ങൾക്ക്’ കാരണമാകുമെന്നും ഇന്ത്യക്കാരുടെ ചെറിയ ശരീര ഘടന കണക്കിലെടുക്കുമ്പോൾ കൊളസ്ട്രോളിലൂടെ ഉത്പാദിപ്പിക്കുന്ന ഏത് അധിക ഊർജ്ജവും രോഗങ്ങൾക്ക് കാരണമാകുമെന്നും സമിതി അവകാശപ്പെട്ടു.
‘ആരോഗ്യവും ക്ഷേമവും’ എന്ന വിഷയത്തിൽ പ്രസിദ്ധീകരിച്ച ഒരു പ്രബന്ധത്തിൽ, മുട്ടയും മാംസവും കഴിക്കുന്നതിന്‍റെ ദൂഷ്യഫലങ്ങളെക്കുറിച്ച് ഗവേഷകർ എഴുതിയിട്ടുണ്ട്.
നാഷണൽ ഇൻസ്റ്റിറ്റ്യൂട്ട് ഓഫ് മെന്‍റൽ ഹെൽത്ത് ആൻഡ് ന്യൂറോസയൻസിലെ (നിംഹാൻസ്) ചൈൽഡ് ആൻഡ് അഡോളസെന്‍റ് സൈക്യാട്രി വകുപ്പിന്‍റെ പ്രൊഫസറും മേധാവിയുമാണ്. കെ ജോൺ വിജയ് സാഗറിന്‍റെ നേതൃത്വത്തിലാണ് പ്രബന്ധം പ്രസിദ്ധീകരിച്ചത്.