കിഫ്ബിക്കെതിരായ അന്വേഷണത്തിൽ ഹാജരാകാൻ ആവശ്യപ്പെട്ട് ഇഡി സമൻസ് അയച്ചതായി മുൻ ധനമന്ത്രി തോമസ് ഐസക്.
ഇഡിക്കു ചെയ്യാവുന്നതിന്റെ പരമാവധി രണ്ടുവർഷം മുമ്പ് ചെയ്തുകഴിഞ്ഞൂവെന്നാണ് ധാരണ. സി ആൻഡ് എജിയും ആദായനികുതി വകുപ്പും ഇഡിയും കെണി സൃഷ്ടിക്കാൻ ശ്രമിച്ചു. ഒന്നും സംഭവിച്ചില്ല. ഇപ്പോൾ പുതിയ പുറപ്പെടലിന്‍റെ ഉദ്ദേശ്യം എന്താണ്? തോമസ് ഐസക് ചോദിച്ചു.
ബി.ജെ.പിക്ക് പുതിയ രാഷ്ട്രീയ പദ്ധതി വേണം. ബി.ജെ.പിയുടെ രാഷ്ട്രീയ പണയമായി ഇ.ഡി അധഃപതിച്ചിട്ട് ഏതാനും വർഷങ്ങളായെന്നും തോമസ് ഐസക് പറഞ്ഞു. തോമസ് ഐസകിനെ ചോദ്യം ചെയ്യാൻ ഇ.ഡി വിളിപ്പിച്ചതായി തിങ്കളാഴ്ച രാത്രി മാധ്യമങ്ങളിൽ വാർത്ത വന്നിരുന്നു. എന്നാൽ, സമൻസ് ലഭിച്ചിട്ടില്ലെന്ന് തോമസ് ഐസക് പ്രതികരിച്ചു. ചൊവ്വാഴ്ച ഉച്ചയോടെയാണ് സമൻസ് ലഭിച്ചതെന്നും മന്ത്രി ഫേസ്ബുക്ക് പോസ്റ്റിൽ പറഞ്ഞു.