യുവഗായകൻ ഷെയിൽ സാഗർ അന്തരിച്ചു. 22 വയസായിരുന്നു. അദ്ദേഹത്തിന്റെ മരണവാർത്ത ഡൽഹിയിലെ സംഗീതജ്ഞരാണ് പുറത്തുവിട്ടത്. മരണകാരണം വ്യക്തമല്ല. ബുധനാഴ്ചയാണ് ഷെയിൽ മരിച്ചത്.
ഡൽഹിയിലെ സംഗീതലോകത്ത് അറിയപ്പെടുന്ന വ്യക്തിത്വമായിരുന്നു ഷെയിൽ സാഗർ. ആലാപനത്തിനുപുറമെ, ഗാനരചനയിലും സാക്സോഫോൺ, പിയാനോ, ഗിറ്റാർ തുടങ്ങിയ സംഗീതോപകരണങ്ങളിലും അദ്ദേഹം മിടുക്കനായിരുന്നു. കഴിഞ്ഞ വർഷം പുറത്തിറങ്ങിയ ഈഫ് ഐ ട്രെയ്ഡ് എന്ന ആൽബത്തിലൂടെ അദ്ദേഹം പ്രശസ്തി നേടി. ബിഫോർ ഇറ്റ് ഗോസ്, സ്റ്റിൽ തുടങ്ങിയ ആൽബങ്ങൾ ഷൈൽ സാഗർ പുറത്തിറക്കിയിരുന്നു.