ന്യൂഡൽഹി: കെ.പി.സി.സി പുനഃസംഘടന സമവായത്തിലൂടെ പൂർത്തിയാക്കാനാണ് പദ്ധതിയെന്ന് പ്രതിപക്ഷ നേതാവ് വി.ഡി സതീശൻ പറഞ്ഞു. പ്രവർത്തകർ തമ്മിലുള്ള സംഘർഷം ഒഴിവാക്കുക എന്നതാണ് സമവായത്തിലെത്താനുള്ള മാർഗം. കഴിഞ്ഞ 30 വർഷമായി ഏകീകരണത്തിന്റെ പാതയാണ് താൻ സ്വീകരിക്കുന്നതെന്നും സതീശൻ പറഞ്ഞു.
സംഘടനാ തിരഞ്ഞെടുപ്പിന്റെ ഭാഗമായി കോൺഗ്രസിന്റെ 14 ഡിസിസി പ്രസിഡന്റുമാരെയും വീണ്ടും തിരഞ്ഞെടുക്കും. ഇവരെ മാറ്റേണ്ടതില്ലെന്ന് ഉന്നതനേതൃത്വത്തിൽ ധാരണയായി. ഇതോടെ കെ.സുധാകരൻ വീണ്ടും കെ.പി.സി.സി പ്രസിഡന്റായി തിരഞ്ഞെടുക്കപ്പെടാനുള്ള എല്ലാ സാധ്യതയുമുണ്ട്.