സിൽവർ ലൈൻ വിരുദ്ധ സമരസമിതിയുടെ ബദൽ ചർച്ചയിൽ കെ.റെയിൽ എം.ഡി അജിത് കുമാർ പങ്കെടുക്കില്ല. സര്‍ക്കാര്‍ അനുമതിയില്ലാത്തതിനാൽ എം.ഡി പങ്കെടുക്കില്ലെന്ന് അറിയിച്ചു. പദ്ധതിയെ അനുകൂലിക്കുന്നവരുടെ ഭാഗത്താണ് അജിത് കുമാറിനെ ഉള്‍പ്പെടുത്തിയിരുന്നത്. ഈ സാഹചര്യത്തിലാണ് പങ്കെടുക്കില്ലെന്ന് അറിയിച്ചിരിക്കുന്നത്.
കോഴിക്കോട് പെരുവണ്ണാമൂഴിയിൽ മാവോയിസ്റ്റുകൾ വീണ്ടും എത്തിയതായി സൂചന. ചക്കിട്ടപ്പാറ പഞ്ചായത്ത് പ്രസിഡന്റിനെതിരെ പോസ്റ്ററുകള്‍ പതിച്ചു. മുതുകാട്ടെ ഖനനം ചെറുക്കുക, സിപിഐഎം നുണകള്‍ തിരിച്ചറിയുക എന്നീ ആഹ്വാനങ്ങളും പോസ്റ്ററിലുണ്ട്. സംഭവത്തില്‍ പൊലീസ് അന്വേഷണം തുടങ്ങി.
തൃക്കാക്കര ഉപതിരഞ്ഞെടുപ്പിലെ യുഡിഎഫ് സ്ഥാനാർത്ഥിയെ ബുധനാഴ്ച പ്രഖ്യാപിക്കുമെന്ന് കെപിസിസി അധ്യക്ഷൻ കെ.സുധാകരൻ. വിഷയത്തിൽ ചർച്ചകൾ നടന്നുവരികയാണെന്നും അദ്ദേഹം പറഞ്ഞു. സ്ഥാനാർഥിയായി, അന്തരിച്ച മുൻ എം.എൽ.എ പി.ടി തോമസിന്റെ ഭാര്യ ഉമ തോമസിന്റെ പേരാണ് പാർട്ടിയിൽ ഉയർന്നു കേൾക്കുന്നത്.
‘അമ്മ’ ആഭ്യന്തര പരാതി പരിഹാര സമിതിയില്‍ നിന്നും നടി ശ്വേത മേനോനും കുക്കു പരമേശ്വരനും രാജിവെച്ചു. വിജയ് ബാബു വിഷയത്തില്‍ പ്രതിഷേധിച്ചാണ് രാജി. മറ്റൊരു അംഗമായ മാലാ പാര്‍വതിയും കഴിഞ്ഞ ദിവസം രാജിവെച്ചിരുന്നു. തുടര്‍ന്നാണ് രണ്ട് നടിമാര്‍ കൂടി രാജി സമര്‍പ്പിച്ചിരിക്കുന്നത്‌.
ടുണീഷ്യയിൽ ഓയിൽ ടാങ്കറിൽ നിന്ന് കാണാതായ ആറ്റിങ്ങൽ സ്വദേശി അർജുൻ രവീന്ദ്രനെ കപ്പലിന്റെ സൂപ്പർവൈസർ നിരന്തരം മർദ്ദിച്ചു. അർജുൻ കപ്പലിൽ നിന്ന് രക്ഷപ്പെട്ടു എന്ന് പറയുന്നതിൽ ഒരു സത്യവുമില്ല. മന്ത്രിമാർക്കും അധികൃതർക്കും പരാതി നല്കിയെങ്കിലും ഇതുവരെ ഒരു നടപടിയും ഉണ്ടായിട്ടില്ലെന്ന് രക്ഷിതാക്കൾ…
കേന്ദ്ര വനിതാ ശിശുക്ഷേമ മന്ത്രി സ്മൃതി ഇറാനി ഇന്ന് വയനാട്ടിലെത്തും. ഒരു ദിവസത്തെ സന്ദർശനത്തിനായി മന്ത്രി ജില്ലയിലെത്തും. കളക്ടറേറ്റിൽ നടക്കുന്ന ജില്ലാ വികസന സമിതി യോഗത്തില് പങ്കെടുത്ത ശേഷം മരവയല് ആദിവാസി ഊരിലെ കുടുംബങ്ങളെ അദ്ദേഹം നേരിൽ കാണും.
തൃക്കാക്കര ഉപതിരഞ്ഞെടുപ്പിൽ വിജയിക്കാൻ അണികൾക്ക് നിർദ്ദേശം നൽകി മുഖ്യമന്ത്രി പിണറായി വിജയൻ. സ്ഥാനാർത്ഥിി നിർണയം ഉൾപ്പെടെയുള്ള വിഷയങ്ങളിൽ മുഖ്യമന്ത്രി മുതിർന്ന നേതാക്കളുമായി ആശയവിനിമയം നടത്തി. പ്രചാരണത്തിൽ പങ്കെടുക്കാൻ തൃക്കാക്കരയിലെത്തുമെന്നും മുഖ്യമന്ത്രി പറഞ്ഞു.
സിനിമാ മേഖലയിലെ സ്ത്രീകൾ നേരിടുന്ന പ്രശ്നങ്ങൾ പഠിച്ച ജസ്റ്റിസ് ഹേമ കമ്മിറ്റി റിപ്പോർട്ടിന്റെ ഉള്ളടക്കം സർക്കാർ പുറത്തുവിടുമോ? തീരുമാനം ബുധനാഴ്ച അറിയാം. മന്ത്രി സജി ചെറിയാനും വിമൻ ഇൻ സിനിമ കളക്ടീവ് പ്രവര്ത്തകരും ബുധനാഴ്ച വിഷയം ചർച്ച ചെയ്യും.
തൃക്കാക്കര ഉപതിരഞ്ഞെടുപ്പിൽ സാബു ജേക്കബ് നിലപാട് വ്യക്തമാക്കി. തൃക്കാക്കരയിൽ ആം ആദ്മി പാർട്ടിയുമായി ചേർന്ന് മത്സരിക്കുമെന്ന് ട്വന്റി 20 വ്യക്തമാക്കിയിട്ടുണ്ട്. സ്ഥാനാർത്ഥി നിർണയത്തിൽ തര്ക്കങ്ങളില്ലെന്നും രണ്ട് ദിവസത്തിനുള്ളില് സ്ഥാനാർത്ഥി നിർണയം പൂർത്തിയാക്കുമെന്നും സാബു ജേക്കബ് പറഞ്ഞു.
ചെറുവത്തൂരിൽ ഷവർമ കഴിച്ച് 16കാരി മരിച്ച സംഭവത്തിൽ ഞെട്ടിക്കുന്ന വിവരങ്ങൾ പുറത്ത്. വൃത്തിഹീനമായ സാഹചര്യങ്ങളിൽ ഒരു കൂൾബാറിലാണ് ഷവർമ നിർമ്മിച്ചതെന്ന് കണ്ടെത്തി. സംഭവവുമായി ബന്ധപ്പെട്ട് കൂൾബാർ മാനേജരെ പൊലീസ് കസ്റ്റഡിയിലെടുത്തു.