കൊൽക്കത്ത: പശ്ചിമ ബംഗാളിൽ 11 ജില്ലകളിൽ ബ്ലാക്ക് ഫീവർ സ്ഥിരീകരിച്ചതായി സംസ്ഥാന ആരോഗ്യ മന്ത്രാലയം അറിയിച്ചു. കാലാ അസർ എന്നറിയപ്പെടുന്ന ഈ രോഗം 65 പേരെ ബാധിച്ചു. സംസ്ഥാനത്ത് നിന്ന് തുടച്ചുനീക്കപ്പെട്ടതായി പ്രഖ്യാപിച്ച രോഗമാണ് ബ്ലാക്ക് ഫീവർ. ഡാർജിലിംഗ്, കലിംപോങ്, ഉത്തർപ്രദേശ് ദിനാജ്പൂർ, ദക്ഷിണ ദിനാജ്പൂർ, മാൽഡ എന്നിവിടങ്ങളിലാണ് രോഗം പ്രധാനമായും പടരുന്നത്.
സ്വകാര്യ ലാബുകളിൽ നടത്തിയ പരിശോധനയിലാണ് ബ്ലാക്ക് ഫീവർ സ്ഥിരീകരിച്ചത്. രോഗികൾക്ക് സൗജന്യ ചികിത്സ നൽകുമെന്ന് ആരോഗ്യ മന്ത്രാലയം അറിയിച്ചു.
ഉത്തർപ്രദേശ്, ജാർഖണ്ഡ്, ബീഹാർ എന്നീ സംസ്ഥാനങ്ങൾ സന്ദർശിച്ചവരാണ് രോഗികളിൽ ഭൂരിഭാഗവും എന്നാണ് കണ്ടെത്തൽ. ഒരു തരം മണലീച്ചയിലൂടെയാണ് ബ്ലാക്ക് ഫീവർ പടരുക. ഈ രോഗം ലീഷ്മാനിയാസിസ് എന്നും അറിയപ്പെടുന്നു. ശരീരത്തിന്‍റെ അപചയം, മജ്ജയുടെയും കരളിന്‍റെയും വികാസം, വിളർച്ച, പനി എന്നിവയാണ് രോഗലക്ഷണങ്ങൾ. ഈ അസുഖം ബാധിക്കുന്നതോടെ ചർമത്തിന്‍റെ നിറം ഇരുണ്ട് തുടങ്ങുമെന്നത് കൊണ്ടാണ് ബ്ലാക്ക് ഫീവർ എന്ന് പേര് വന്നത്.