ഉത്തർപ്രദേശ് സർക്കാർ സംസ്ഥാന പോലീസ് മേധാവിയെ നീക്കി. ഡി.ജി.പി മുകുൾ ഗോയലിന് ജോലിയിൽ താൽപര്യമില്ലെന്നും ഉത്തരവുകൾ അനുസരിക്കുന്നില്ലെന്നും സംസ്ഥാന സർക്കാർ പ്രസ്താവനയിൽ പറഞ്ഞു. മുകുൾ ഗോയലിനെ സിവിൽ ഡിഫൻസ് വകുപ്പ് ഡയറക്ടർ ജനറലായി നിയമിച്ചു.
ഐപിഎല്ലിലെ രാജസ്ഥാൻ ഡൽഹി പോരാട്ടത്തിൽ വിജയം നേടി ഡൽഹി ക്യാപിറ്റൽസ്. 8 വിക്കറ്റിനാണ് ഡൽഹിയുടെ ജയം. രാജസ്ഥാൻ ഉയർത്തിയ 161 റൺസ് വിജയലക്ഷ്യം ഡൽഹി 18 ഓവറിൽ മറികടന്നു.
വൈകിയെത്തിയതിനാൽ വിമാനം നിഷേധിച്ചതിനെ തുടർന്ന് വിമാനത്താവളത്തിൽ യാത്രക്കാരിക്ക് പാനിക് അറ്റാക്ക് ഉണ്ടായ സംഭവത്തിൽ വിശദീകരണവുമായി എയർ ഇന്ത്യ. യാത്രക്കരിക്ക് കൃത്യസമയത്ത് ചികിത്സ നൽകിയതായി എയർ ഇന്ത്യ പ്രസ്താവനയിൽ പറഞ്ഞു.
ഏഷ്യൻ കപ്പ് യോഗ്യതാ മത്സരങ്ങളുടെ ഒരുക്കങ്ങളുടെ ഭാഗമായി എടികെ മോഹൻ ബഗാനെ നേരിട്ട ഇന്ത്യൻ ഫുട്ബോൾ ടീം ഇന്ന് തോറ്റു. കൊൽക്കത്തയിൽ നടന്ന മത്സരത്തിൽ മോഹൻ ബഗാൻ 2-1ൻ ഇന്ത്യൻ ടീമിനെ തോൽപ്പിച്ചു. മോഹൻ ബഗാനുവേണ്ടി യുവതാരങ്ങളായ ലിസ്റ്റൺ കൊളാസ്സോ, കിയാൻ…
യുകെ ആസ്ഥാനമായുള്ള ഓർബെക്സ്, 62 അടി നീളമുള്ള പ്രൈം റോക്കറ്റിന്റെ പൂർണ്ണ തോതിലുള്ള പ്രോട്ടോടൈപ്പ് അനാവരണം ചെയ്തു. ഇത് സ്കോട്ടിഷ് ഹൈലാൻഡുകളിൽ നിന്ന് ചെറിയ ഉപഗ്രഹങ്ങൾ വിക്ഷേപിക്കും. ഇത് ലോകത്തിലെ ഏറ്റവും പരിസ്ഥിതി സൗഹൃദ റോക്കറ്റായി മാറുമെന്നും കമ്പനി പറയുന്നു.
തുടർച്ചയായ തോൽവികളോടെ മുംബൈ ഇന്ത്യൻസ് ഐപിഎല്ലിൽ നിന്ന് പുറത്തായി. മികച്ച കളിക്കാർക്ക് താളം കണ്ടെത്താൻ കഴിയാഞ്ഞതാണ് മുംബൈയുടെ ചരിത്രപരമായ തോൽവിക്ക് കാരണം.15 കോടിക്ക് ടീമിലെത്തിച്ച ഇഷാൻ കിഷന് രണ്ട് മത്സരങ്ങളിൽ മാത്രമാണ് തിളങ്ങാൻ കഴിഞ്ഞത്.
പ്രശസ്ത മാധ്യമപ്രവർത്തകൻ വി.പി രാമചന്ദ്രൻ എന്ന വി.പി.ആർ (98) നിര്യാതനായി. വാർദ്ധക്യസഹജമായ അസുഖങ്ങളെ തുടർന്ന് വിശ്രമിക്കുന്നതിനിടെ കാക്കനാട്ടെ വസതിയിലായിരുന്നു അന്ത്യം. ഇന്ത്യയിലും വിദേശത്തുമായി അരനൂറ്റാണ്ടിലേറെ നീണ്ടതാണ് വിപിആറിന്റെ മാധ്യമപ്രവർത്തനം.
യുഎസിനെ ആക്രമിക്കാൻ ചൈനയ്ക്ക് മനുഷ്യനിർമിത കൊടുങ്കാറ്റുകൾ സൃഷ്ടിക്കാൻ കഴിയുമോ എന്ന് ഡൊണാൾഡ് ട്രംപ് ചോദിച്ചതായി സഹായികൾ. കൊടുങ്കാറ്റ് സൃഷ്ടിച്ച് ചൈന നാശം വിതയ്ക്കുമെന്ന് ട്രംപ് ഭയപ്പെട്ടിരുന്നതായി മുതിർന്ന ഉദ്യോഗസ്ഥരെ ഉദ്ധരിച്ച് റോളിംഗ് സ്റ്റോൺ റിപ്പോർട്ട് ചെയ്തു.
തൃക്കാക്കരയിൽ നാമനിർദേശ പത്രികാ സമർപ്പണം പൂർത്തിയായി. ആകെ 19 സ്ഥാനാർത്ഥികളാണ് ഉപതിരഞ്ഞെടുപ്പിൽ മത്സരരംഗത്തുള്ളത്. ഇടത് സ്ഥാനാർത്ഥിയുടെ പേരിനോട് സാമ്യമുള്ള ജോമോൻ ജോസഫും നാമനിർദേശ പത്രിക സമർപ്പിച്ചു. പരിസ്ഥിതി പ്രവർത്തകൻ ജോണ്‍ പെരുവന്താനവും മത്സരരംഗത്തുണ്ട്
കമൽ ഹാസൻ നായകനാകുന്ന ‘വിക്രം’ എന്ന ചിത്രത്തിലെ ആദ്യ ഗാനം പുറത്തിറങ്ങി. അനിരുദ്ധ് ഈണമിട്ടിരിക്കുന്ന ഗാനത്തിന് കമൽഹാസനാണ് വരികൾ എഴുതിയിരിക്കുന്നത്. ‘വിക്രം’ ജൂൺ മൂന്നിന് തിയേറ്ററുകളിലെത്തും. ചിത്രത്തിന്റെ ഓഡിയോ ട്രെയിലർ മെയ് 15 ന് ചെന്നൈയിലെ നെഹ്റു സ്റ്റേഡിയത്തിൽ റിലീസ് ചെയ്യും.