വാഗമൺ ഓഫ് റോഡ് റേസിൽ പങ്കെടുത്ത നടൻ ജോജു ജോർജിനെതിരെ കേസെടുത്തു. ജോജുവിനും സ്ഥലമുടമയ്ക്കും സംഘാടകർക്കുമെതിരെയാണ് കേസ്. സംഭവത്തിൽ നിയമലംഘനം നടന്നതായി ബോധ്യപ്പെട്ടതായി മോട്ടോർ വാഹന വകുപ്പ് അറിയിച്ചു. വാഹനത്തിന്റെ രേഖകൾ സഹിതം ഒരാഴ്ചയ്ക്കകം ആർ.ടി.ഒ മുമ്പാകെ ഹാജരാകാനാണ് നിർദ്ദേശം.
കണ്ണൂർ സർവകലാശാല പരീക്ഷാ കണ്ട്രോളർ പി.ജെ വിൻസെൻറ് സ്ഥാനമൊഴിഞ്ഞു. ഡെപ്യൂട്ടേഷൻ റദ്ദാക്കണമെന്നാവശ്യപ്പെട്ട് പി.ജെ വിൻസെൻറ് വി.സിക്ക് കത്തയച്ചു. പഴയ ചോദ്യപേപ്പർ ഉപയോഗിച്ച് പരീക്ഷ നടത്തിയത് വിവാദമായിരുന്നു. വിവാദത്തെ തുടർന്ന് സർവകലാശാല പരീക്ഷകൾ റദ്ദാക്കിയിരുന്നു.
സമുദ്രജീവികളുടെ കൂട്ട വംശനാശത്തിനുള്ള സാധ്യത ശാസ്ത്രജ്ഞർ തള്ളിക്കളയുന്നില്ല. 250 ദശലക്ഷം വർഷങ്ങൾക്ക് മുമ്പ് സംഭവിച്ച ‘ഗ്രേറ്റ് ഡൈയിംഗ്’ പ്രക്രിയയിൽ ലോകത്തിലെ സമുദ്ര ജീവികളുടെ 96 ശതമാനവും വംശനാശം സംഭവിച്ചിട്ടുണ്ട്. സമാനമായ പ്രത്യാഘാതങ്ങളുടെ സാധ്യത വിദഗ്ധർ തള്ളിക്കളയുന്നില്ല.
പത്രപ്രവർത്തനത്തിനുള്ള ഏറ്റവും വലിയ പുരസ്കാരമായ പുലിറ്റ്സർ പുരസ്കാരം നാല് ഇന്ത്യൻ ഫോട്ടോഗ്രാഫർമാർക്ക്. അന്തരിച്ച ഫോട്ടോഗ്രാഫർ ഡാനിഷ് സിദ്ദിഖി, സന ഇർഷാദ് മാട്ടു, അദ്നാൻ ആബിദി, അമിത് ദവെ എന്നിവർക്കാണ് ഫീച്ചർ ഫോട്ടോഗ്രാഫി വിഭാഗത്തിൽ പുരസ്കാരം ലഭിച്ചത്.
കെ.എസ്.ആർ.ടി.സി ജീവനക്കാർക്ക് പത്താം തീയതിക്ക് മുമ്പ് ശമ്പളം നൽകാമെന്ന ഗതാഗത മന്ത്രിയുടെ വാഗ്ദാനം പാലിക്കപ്പെട്ടില്ല. മന്ത്രിയുടെ ഉറപ്പ് വിശ്വസിച്ച് സമരം പിൻവലിച്ച സിഐടിയു യൂണിയൻ പ്രതിഷേധവുമായി രംഗത്തെത്തി. ശമ്പളം നൽകാൻ വായ്പ എടുക്കാനുള്ള മാനേജ്മെൻറിൻറെ നീക്കവും ഇഴഞ്ഞുനീങ്ങുകയാണ്.
ഐപിഎല്ലിൽ കൊൽക്കത്ത നൈറ്റ്റൈഡേഴ്സിനെതിരെ മുംബൈ ഇന്ത്യൻസിൻ 166 റണ്‍സ് വിജയലക്ഷ്യം. ടോസ് നേടിയ മുംബൈ കൊൽക്കത്തയെ ബാറ്റിങ്ങിന് അയക്കുകയായിരുന്നു. നിശ്ചിത ഓവറിൽ ഒമ്പത് വിക്കറ്റ് നഷ്ടത്തിൽ 165 റണ്‍സാണ് കൊൽക്കത്ത നേടിയത്.
രൂപയുടെ മൂല്യം എക്കാലത്തെയും താഴ്ന്ന നിലയിലേക്ക് കൂപ്പുകുത്തി. തിങ്കളാഴ്ച ഡോളറിനെതിരെ 77.44 എന്ന നിലയിലാണ് വ്യാപാരം അവസാനിപ്പിച്ചത്. ചൈനയിലെ ലോക്ക്ഡൗൺ, റഷ്യ-ഉക്രൈൻ യുദ്ധം, ഉയർന്ന പലിശ നിരക്കുകളുടെ ഭയം എന്നിവയാണ് രൂപയുടെ മൂല്യത്തെ ബാധിച്ചത്.
ദക്ഷിണാഫ്രിക്കൻ സ്പിന്നർ കേശവ് മഹാരാജ്, ഓസ്ട്രേലിയയുടെ സ്റ്റാർ ബാറ്റ്സ്മാൻ അലിസ്സ ഹീലി എന്നിവർക്ക് ഏപ്രിൽ മാസത്തെ ഐസിസി പുരസ്കാരം. വനിതാ ലോകകപ്പിലെ മികച്ച ബാറ്റിങ് പ്രകടനത്തിനാണ് ഹീലിക്ക് പുരസ്കാരം ലഭിച്ചത്. ലോക ടെസ്റ്റ് ചാമ്പ്യൻഷിപ്പ് മത്സരത്തിലെ തകർപ്പൻ ബൗളിംഗാണ് കേശവ് മഹാരാജിനെ…
ദേശീയപാതാ വികസന പദ്ധതിയുടെ ഭാഗമായി നഷ്ടപരിഹാരമായി 21,583 കോടി രൂപ നൽകിയതായി പൊതുമരാമത്ത് വകുപ്പ് മന്ത്രി പി. എ. മുഹമ്മദ് റിയാസ്. സമീപകാലത്ത് സംസ്ഥാനത്തെ ഏറ്റവും ഉയർന്ന ഭൂമി ഏറ്റെടുക്കൽ പദ്ധതിയാണ് ദേശീയപാതാ വികസന പദ്ധതി. 51,780 പേർക്ക് നഷ്ടപരിഹാരം ലഭിച്ചതായും…
നടിയെ ആക്രമിച്ച കേസിലും ദിലീപ് പ്രതിയായ കൊലക്കേസ് ഗൂഢാലോചന കേസിലും ഉയർന്ന ആരോപണങ്ങൾ നിഷേധിച്ച് നടി കാവ്യ മാധവൻ. ഇന്ന് നടത്തിയ ചോദ്യം ചെയ്യലിൽ തനിക്കെതിരായ ആരോപണങ്ങൾ കാവ്യ നിഷേധിച്ചു.ഈ കേസുമായി ബന്ധപ്പെട്ട് നേരത്തെ കാവ്യയുടെ മൊഴി രേഖപ്പെടുത്തിയിരുന്നു.