ദുബായ്: ഇസ്രായേലും യുഎഇയും സ്വതന്ത്ര വ്യാപാര കരാറിൽ ഒപ്പുവെച്ചു. ഇതാദ്യമായാണ് ഒരു അറബ് രാജ്യവുമായി ഇസ്രായേൽ വ്യാപാര കരാർ ഒപ്പിടുന്നത്. ഇരു പശ്ചിമേഷ്യന്‍ രാജ്യങ്ങളും നേരത്തെ നയതന്ത്ര ബന്ധം സ്ഥാപിക്കുകയും ഒരുമിച്ച് പ്രവർത്തിക്കാൻ തീരുമാനിക്കുകയും ചെയ്തിരുന്നു. ഇസ്രയേൽ ധനമന്ത്രി ഓർണ ബർബിവയും യുഎഇ ധനമന്ത്രി അബ്ദുല്ല ബിൻ തൗകുൽ മാരിയും തമ്മിൽ ദുബായിൽ നടത്തിയ ചർച്ചയിലാണ് കരാർ ഒപ്പുവച്ചത്. മാസങ്ങൾ നീണ്ട ചർച്ചകൾക്കൊടുവിലാണ് കരാർ സാധ്യമായത് എന്നതും ശ്രദ്ധേയമാണ്.
ഇസ്രായേൽ ഈ കരാർ വളരെയധികം ആഘോഷിച്ചു. നേരത്തെ, യു.എ.ഇയിലെ ഇസ്രായേൽ അംബാസഡർ അമീർ ഹൈക്ക് സ്വതന്ത്ര വ്യാപാര കരാർ ഒപ്പിടുന്നതിനെക്കുറിച്ച് ട്വീറ്റ് ചെയ്യുകയും കരാർ ഒപ്പിട്ട ശേഷം ഇക്കാര്യം വിശദീകരിക്കുകയും ചെയ്തിരുന്നു. കരാർ പ്രകാരം യു.എ.ഇയിൽ ഓഫീസുകൾ തുറക്കാൻ ഇസ്രയേൽ കമ്പനികളെ പ്രോത്സാഹിപ്പിക്കും. മാത്രമല്ല, കരാറിൻറെ ഭാഗമായി, ഇരു രാജ്യങ്ങളും തമ്മിലുള്ള ഇടപാടുകളുടെ നികുതി നിരക്കും നികുതി രഹിത ഉൽപ്പന്നങ്ങൾ എന്തൊക്കെയാണെന്നും കരാറിൻറെ ഭാഗമായി വിശദീകരിച്ചിട്ടുണ്ട്.
1,000 ഇസ്രായേൽ കമ്പനികൾ യുഎഇയിൽ പ്രവർത്തനം ആരംഭിക്കുമെന്ന് യുഎഇ-ഇസ്രായേൽ ബിസിനസ് കൗണ്സിൽ ചെയർമാൻ ഡോറിയൻ ബരാക്ക് പറഞ്ഞു. ഈ വർ ഷം അവസാനത്തോടെ ഈ കമ്പനികൾ ക്ക് യു.എ.ഇയിൽ പ്രവർ ത്തിക്കാൻ കഴിയും. യു.എ.ഇ.യിൽ ഓഫീസ് തുറക്കുന്നതിലൂടെ ഏഷ്യയിലെയും മിഡിൽ ഈസ്റ്റ് മേഖലയിലെയും രാജ്യങ്ങളുമായുള്ള ഇടപാടുകൾ വേഗത്തിലാക്കാൻ കഴിയുമെന്നാണ് ഇസ്രായേലിൻറെ പ്രതീക്ഷ.