അബുദാബി: കോഴിക്കോട് വിമാനത്താവളത്തിൽ നിന്ന് അബുദാബിയിലേക്ക് എയർ അറേബ്യ അധിക സർവീസ് ആരംഭിച്ചു. ആഴ്ചയിൽ മൂന്ന് പുതിയ സർവീസുകളാണ് ഏർപ്പെടുത്തിയിരിക്കുന്നത്. തിങ്കൾ, ബുധൻ, വെള്ളി ദിവസങ്ങളിലാണ് സർവീസ്.
അബുദാബിയിൽ നിന്ന് കരിപ്പൂരിലെത്തിയ വിമാനം ഇന്നലെ 12.15ന് അബുദാബിയിലേക്ക് പുറപ്പെട്ടു. 174 പേർക്കാണ് വിമാനത്തിൽ സഞ്ചരിക്കാൻ കഴിയുക. ആഴ്ചയിൽ എല്ലാ ദിവസവും നടത്തുന്ന സർവീസുകൾ തുടരും. ഇതോടെ കരിപ്പൂരിൽ നിന്ന് എയർ അറേബ്യ സർവീസ് നടത്തുന്ന വിമാനങ്ങളുടെ എണ്ണം 10 ആയി ഉയരും.