ന്യൂഡല്‍ഹി: ഡിജിറ്റൽ ഇന്ത്യ സംരംഭം പ്രോത്സാഹിപ്പിക്കുന്നതിനായി, ഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് 2023 ഏപ്രിൽ മുതൽ എല്ലാ കൗണ്ടറുകളിലും ഓൾ-ഡിജിറ്റൽ പേയ്മെന്‍റുകൾ ആരംഭിക്കുമെന്ന് അറിയിച്ചു.
രോഗികൾക്കായി എല്ലാ കൗണ്ടറുകളിലും സ്മാർട്ട് കാർഡ് അവതരിപ്പിച്ചിട്ടുണ്ടെന്നും 2023 ഏപ്രിൽ 1 മുതൽ യുപിഐ, കാർഡ് പേയ്മെന്‍റുകൾക്ക് പുറമേ എല്ലാ പേയ്മെന്‍റുകളും പൂർണ്ണമായും ഡിജിറ്റൽ ആയിരിക്കുമെന്നും എയിംസ് പ്രസ്താവനയിൽ പറഞ്ഞു. ഇതിന് പുറമെ, ഡോക്ടർമാരുടെയും രോഗികളുടെയും സൗകര്യാർത്ഥം ഇ-പ്രിസ്ക്രിപ്ഷൻ സംവിധാനവും ആരംഭിച്ചു.