ശ്രീനഗര്‍: അമിത് ഷായുടെ സന്ദർശന വേളയിൽ താൻ വീട്ടുതടങ്കലിലാണെന്ന് മുൻ മുഖ്യമന്ത്രിയും പിഡിപി നേതാവുമായ മെഹബൂബ മുഫ്തി. ട്വിറ്ററിലൂടെയായിരുന്നു അവരുടെ പ്രതികരണം. അമിത് ഷായുടെ കശ്മീർ സന്ദർശനം രണ്ടാം ദിവസത്തിലേക്ക് കടന്നതിന് പിന്നാലെയാണ് മെഹബൂബ മുഫ്തിയുടെ പ്രതികരണം.
പാർട്ടി പ്രവർത്തകന്‍റെ വിവാഹച്ചടങ്ങിൽ പങ്കെടുക്കാൻ പോകുമ്പോഴാണ് ഗേറ്റ് പൂട്ടിയ നിലയിൽ കണ്ടെത്തിയതെന്ന് മുഫ്തി പറഞ്ഞു. ഇതിന്‍റെ ചിത്രവും അവർ ട്വിറ്ററിൽ പങ്കുവെച്ചിട്ടുണ്ട്.