വാഷിങ്ടൺ: യുഎസ് സെൻട്രൽ ബാങ്കായ ഫെഡറൽ റിസർവ് തുടർച്ചയായ രണ്ടാം തവണയും പലിശ നിരക്ക് ഉയർത്തി. പലിശ നിരക്ക് ഒരു ശതമാനം പോയിന്‍റിന്‍റെ മുക്കാൽ ഭാഗവും വർദ്ധിപ്പിച്ചു. കണക്കുകൂട്ടലുകളെ അസ്ഥാനത്താക്കി പണപ്പെരുപ്പം കുതിക്കുന്നതിനിടയിലാണ് പലിശനിരക്ക് ഉയർത്തി ഒരിക്കൽ കൂടി യുഎസ് കേന്ദ്രബാങ്കിന്റെ രക്ഷാപ്രവർത്തനം.
2018 മുതൽ, യുഎസ് വായ്പകളുടെ പലിശ നിരക്ക് 2.25 ശതമാനത്തിൽ നിന്ന് 2.5 ശതമാനമായി ഉയർത്തി. പണപ്പെരുപ്പം 9.1 ശതമാനത്തിലെത്തിയതിന് ശേഷം യുഎസ് സെൻട്രൽ ബാങ്ക് വീണ്ടും പലിശ നിരക്ക് ഉയർത്താൻ നിർബന്ധിതരായി. യുഎസിലെ പണപ്പെരുപ്പം 41 വർഷത്തെ ഏറ്റവും ഉയർന്ന നിലയിലാണ്. സെൻട്രൽ ബാങ്കിന്‍റെ നീക്കത്തോടെ, യുഎസിലെ വിവിധ വായ്പകളുടെ പലിശ നിരക്കും ഉയരും. സമ്പദ് വ്യവസ്ഥ തകരുമ്പോഴും വായ്പകൾ പരിമിതപ്പെടുത്താനുള്ള ഫെഡറൽ റിസർവിന്‍റെ തീരുമാനം മാന്ദ്യത്തിലേക്ക് നയിക്കുമെന്ന ആശങ്കയുമുണ്ട്. സാമ്പത്തിക മാന്ദ്യത്തെക്കുറിച്ചുള്ള ആശങ്കകൾ യുഎസിലെ ഉപഭോക്താക്കളുടെ ആത്മവിശ്വാസത്തെ ഗണ്യമായി ബാധിച്ചതായി റിപ്പോർട്ടുകളുണ്ട്.
നേരത്തെ, യുഎസിലെ വായ്പാ പലിശ നിരക്കുകൾ വായ്പാ പലിശ നിരക്കിലെ വർദ്ധനവിന് ആനുപാതികമായി ഉയർന്നിരുന്നു. രാജ്യത്തെ റിയൽ എസ്റ്റേറ്റ് മേഖലയിലും തിരിച്ചടിയുണ്ടായി.