തിരുവനന്തപുരം: ജനവിരുദ്ധ സർക്കാരിനെതിരായ പ്രതിഷേധങ്ങളെ കള്ളക്കഥകളിലൂടെ നശിപ്പിക്കാനാവില്ലെന്ന് യൂത്ത് കോൺഗ്രസ് സംസ്ഥാന നേതാവ് കെ. എസ്.ശബരീനാഥ്. ജാമ്യം ലഭിച്ചയുടൻ ഫേസ്ബുക്കിൽ പങ്കുവെച്ച കുറിപ്പിലൂടെയായിരുന്നു അദ്ദേഹത്തിന്‍റെ പ്രതികരണം. സ്വാഭാവിക പ്രതിഷേധങ്ങളെ വധശ്രമമായും ഗൂഢാലോചനയായും ചിത്രീകരിക്കാൻ ശ്രമിക്കുന്നവർ ഭീരുക്കൾ മാത്രമാണെന്നും പ്രതിഷേധങ്ങൾ ജനാധിപത്യത്തിന്‍റെ അവിഭാജ്യ ഘടകമാണെന്നും അദ്ദേഹം പറഞ്ഞു.
മുഖ്യമന്ത്രിയെ വധിക്കാനുള്ള ഗൂഢാലോചനയിലാണ് കെ.എസ് ശബരീനാഥിന് കോടതി ജാമ്യം അനുവദിച്ചത്. തിരുവനന്തപുരം സെഷൻസ് കോടതിയാണ് ജാമ്യം അനുവദിച്ചത്.