സമ്പന്ന രാജ്യങ്ങളിൽ ജനസംഖ്യ കുറയുന്നത് എലോൺ മസ്ക് ഗൗരവമായി എടുത്തിട്ടുണ്ട്. അത്തരം രാജ്യങ്ങളിലെ ആളുകൾ അവരുടെ ജനന നിരക്ക് വർദ്ധിപ്പിക്കണമെന്ന് മസ്ക് നിർദ്ദേശിക്കുന്നു. ഇതിന്‍റെ ഭാഗമായി, ഒന്നിലധികം കുട്ടികളുള്ള ജീവനക്കാരെ സഹായിക്കുന്നതിനായി മസ്ക് കമ്പനിയുടെ നയങ്ങളിൽ മാറ്റങ്ങൾ വരുത്തിയിട്ടുണ്ട്.
ടെസ്ല, ബോറിംഗ് കമ്പനി, സ്പേസ് എക്സ്, സോളാർ സിറ്റി എന്നിവയുൾപ്പെടെയുള്ള കമ്പനികളിൽ ശിശുപരിപാലന ആനുകൂല്യങ്ങൾ വർദ്ധിപ്പിക്കുമെന്ന് മസ്ക് ട്വീറ്റ് ചെയ്തു. അത്തരം കുടുംബങ്ങൾക്ക് നേരിട്ട് സാമ്പത്തിക സഹായം നൽകാനും മസ്ക് ഫൗണ്ടേഷൻ പദ്ധതിയിടുന്നുണ്ട്.
എന്നിരുന്നാലും, ഈ ശിശു പരിപാലന ആനുകൂല്യങ്ങളുടെ വിശദാംശങ്ങൾ ലഭ്യമല്ല. ഇതിന്‍റെ വിശദാംശങ്ങൾ അടുത്ത മാസം പ്രഖ്യാപിക്കുമെന്നും മസ്ക് പറഞ്ഞു. ജനസംഖ്യയിലെ ഇടിവ് മനുഷ്യവംശം ഇതുവരെ നേരിട്ട ഏറ്റവും വലിയ ഭീഷണിയാണെന്നും ഈ പ്രതിസന്ധിയെ നേരിടാൻ തന്നാൽ കഴിയുന്നതെല്ലാം ചെയ്യുന്നുണ്ടെന്നും അദ്ദേഹം പറയുന്നു.