കോഴിക്കോട്: കെ കെ രമയുടെ എം എൽ എ സ്ഥാനം പ്രസ്ഥാനത്തെ വഞ്ചിച്ചതിനുള്ള പ്രതിഫലമാണെന്ന് സിപിഎം നേതാവ് എളമരം കരീം. എംഎൽഎ സ്ഥാനം കിട്ടിയതുകൊണ്ട് മാത്രം അഹങ്കരിക്കരുത്. വർഗ ശത്രുക്കളുമായി ഒത്തുകളിച്ച് കമ്യൂണിസ്റ്റ് പാർട്ടിയെ വെല്ലുവിളിക്കുകയാണെന്നും കരീം പറഞ്ഞു. ഒഞ്ചിയത്ത് നടന്ന സി എച്ച് അശോകന്‍റെ അനുസ്മരണത്തിലായിരുന്നു കരീമിന്‍റെ പ്രസംഗം.
“കുറച്ച് ആളുകളെ തെറ്റിദ്ധരിപ്പിക്കാനും അവരെ കൂടെ നിർത്താനും കഴിയുന്നതിന്‍റെ അഹങ്കാരത്തിൽ, സമ്മേളനങ്ങൾ, റെവല്യൂഷണറി കമ്യൂണിസ്റ്റ് പാർട്ടി, റെവല്യൂഷണറി മാർക്സിസ്റ്റ് പാർട്ടി എന്നിവിടങ്ങളിൽ വലിയ പ്രകടനങ്ങൾ നടന്നിട്ടുണ്ട്. ആ സംഘത്തിന്‍റെ നിഗൂഢമായ ചതിയുടെ രക്തസാക്ഷിയാണ് സി.എച്ച് അശോകൻ,” എളമരം പറഞ്ഞു.
എന്നാൽ നിയമസഭയിലെ സ്വർണക്കടത്ത് ഉൾപ്പെടെയുള്ള വിഷയങ്ങളിൽ പ്രതിപക്ഷം അവതരിപ്പിച്ച അടിയന്തരപ്രമേയവും താൻ സ്വീകരിച്ച ശക്തമായ നിലപാടുമാണ് ശക്തമായ വിമർശനത്തിന് കാരണമെന്ന് കെ.കെ രമ പറഞ്ഞു. ടി.പി വധക്കേസിൽ ഒൻപതാം പ്രതിയായിരുന്നു സി.എച്ച് അശോകൻ.