കൊച്ചി: എച്ച്ആർഡിഎസിൽ നിന്ന് പുറത്താക്കുമെന്ന് പ്രതീക്ഷിച്ചിരുന്നതായി നയതന്ത്ര സ്വർണക്കടത്ത് കേസിലെ പ്രതി സ്വപ്ന സുരേഷ്. കാറിന്‍റെ ഡ്രൈവറെ നേരത്തെ പിൻവലിച്ചിരുന്നു. സഹായിച്ചവർ പോലും പിൻവാങ്ങുന്നു. എച്ച്ആർഡിഎസ് നൽകിയ വീടും മാറ്റേണ്ടി വരുമെന്നും സ്വപ്ന പറഞ്ഞു.
സ്വപ്നയുടെ നിയമനം റദ്ദാക്കുകയാണെന്നും അവരെ ജോലിയിൽ നിന്ന് മാറ്റുകയാണെന്നും എച്ച്ആർഡിഎസ് സെക്രട്ടറി അജികൃഷ്ണൻ അറിയിച്ചിരുന്നു. എച്ച്.ആർ.ഡി.എസ് വിൽപ്പനയും ചെലവുകളും പരാതിയായി നൽകി സ്വപ്ന സുരേഷിനെ സംരക്ഷിക്കുന്നുവെന്ന മുഖ്യമന്ത്രി പിണറായി വിജയൻ നിയമസഭയിൽ ഉന്നയിച്ച ആരോപണം പരിഗണിച്ചാണ് നടപടി.
എച്ച്.ആർ.ഡി.എസിലെ സ്ത്രീ ശാക്തീകരണ, സി.എസ്.ആർ വകുപ്പ് ഡയറക്ടറായിരുന്നു സ്വപ്ന. ഒരാഴ്ച മുമ്പാണ് പാലക്കാട്ടെ ഫ്ലാറ്റ് ഒഴിഞ്ഞ ശേഷം സ്വപ്ന കൊച്ചിയിലേക്ക് താമസം മാറിയത്.