ഒട്ടാവ: കാനഡ ഫിൻലാൻഡിന്‍റെയും സ്വീഡന്‍റെയും നാറ്റോ പ്രവേശനത്തിന് അംഗീകാരം നൽകി. ഇതോടെ ഇരു രാജ്യങ്ങളുടെയും പ്രവേശനത്തിന് ഔദ്യോഗികമായി അനുമതി നൽകുന്ന ആദ്യ രാജ്യമായി കാനഡ മാറി.
കാനഡയിലെ ഹൗസ് ഓഫ് കോമൺസിലെ അംഗങ്ങൾ ഇത് ഏകകണ്ഠമായി അംഗീകരിച്ചു.
“സ്വീഡനും ഫിൻലാൻഡിനും നാറ്റോയുമായി വളരെ വേഗത്തിലും ഫലപ്രദമായും സംയോജിപ്പിക്കാനും സഖ്യത്തിന്‍റെ കൂട്ടായ പ്രതിരോധത്തിന് സംഭാവന ചെയ്യാനും കഴിവുണ്ടെന്ന് കാനഡയ്ക്ക് പൂർണ്ണ വിശ്വാസമുണ്ട്,” കനേഡിയൻ പ്രധാനമന്ത്രി ജസ്റ്റിൻ ട്രൂഡോ പറഞ്ഞു.