ഒഡീഷ: ആനത്താരകളില്‍ ആനകളുടെ സാന്നിധ്യം കണ്ടെത്തുകയും ഗതാഗതം നിയന്ത്രിക്കുകയും ചെയ്യുന്ന സൈറൺ സംവിധാനവുമായി ഒഡീഷ. ആനത്താരകളിലൂടെയുള്ള ആനകളുടെ സഞ്ചാരത്തിന് തടസ്സമാകാതിരിക്കാൻ ഒഡീഷ വനംവകുപ്പ് രാത്‌സിംഗാ, ഹാല്‍ദിഹാബഹല്‍ എന്നീവിടങ്ങളില്‍ പരീക്ഷണാടിസ്ഥാനത്തിൽ ഈ സംവിധാനം ഏർപ്പെടുത്തിയിട്ടുണ്ട്. മനുഷ്യരും ആനകളും തമ്മിലുള്ള സംഘർഷങ്ങൾ കുറയ്ക്കുക എന്ന ലക്ഷ്യത്തോടെയാണ് ഈ സംവിധാനമെന്ന് ധേന്‍കനല്‍ വനംവകുപ്പ് അധികൃതർ പറഞ്ഞു.
ആന ഇടനാഴികളിലൂടെ സഞ്ചരിക്കുന്ന ആനയുടെ വലുപ്പവും മറ്റ് സവിശേഷതകളും മനസ്സിലാക്കുന്ന ഇൻഫ്രാറെഡ് സെൻസർ ഉടൻ സൈറണുകൾ ഓഫാക്കുകയും അവയുടെ സാന്നിധ്യം കണ്ടെത്തിയാൽ അടുത്തുള്ള ഗതാഗത സംവിധാനങ്ങൾക്ക് മുന്നറിയിപ്പ് നൽകുകയും ചെയ്യും.
നിലവിൽ ആനക്കൂട്ടം ആഴ്ചയിൽ മൂന്നോ നാലോ തവണ ദേശീയപാതയിലൂടെ കടന്നുപോകുന്നു. വാഹനമിടിച്ചും മറ്റും ആനകൾക്കുണ്ടാകുന്ന അപകടങ്ങൾ കണക്കിലെടുത്താണ് സംവിധാനം ഏർപ്പെടുത്തിയിരിക്കുന്നത്. ദേശീയപാത കടന്നുപോകുന്ന രണ്ടിടത്തും ഈ സംവിധാനം വിജയകരമാണെന്ന് വനംവകുപ്പ് അധികൃതർ പറഞ്ഞു.