കോഴിക്കോട്: സർക്കാർ മെഡിക്കൽ കോളേജ് ആശുപത്രിയിൽ പി.ജി വിദ്യാർത്ഥികളുടെ പരീക്ഷയ്ക്കായി രോഗികളെ 10 മണിക്കൂർ വരാന്തയിലേക്ക് മാറ്റി. യാതൊരു മുന്നറിയിപ്പുമില്ലാതെ വ്യാഴാഴ്ച രാവിലെ ഏഴോടെയാണ് 10–ാം വാർഡിലെ ഇരുപത്തഞ്ചോളം രോഗികളെ മാറ്റിയത്. രോഗികളോടൊപ്പം ഒരു കൂട്ടിരിപ്പുകാരൻ മാത്രമാണുള്ളത്. വാർഡിൽ രണ്ട് ട്രോളികൾ മാത്രമേ ഉള്ളൂ. ശസ്ത്രക്രിയയ്ക്ക് വിധേയരായ രോഗികൾ പോലും ഇവിടെ കിടപ്പുണ്ട്. പ്രത്യേക പരിചരണം ആവശ്യമുള്ള രോഗികളെ ഈ രീതിയിൽ ഉൾപ്പെടുത്തി.
ചില രോഗികളെ കട്ടിലിനൊപ്പം വരാന്തയിലേക്ക് കൊണ്ടുപോയി. ജീവനക്കാരുടെ സഹായം പോലും ലഭിച്ചില്ലെന്ന് കൂട്ടിരിപ്പുകാർ പറഞ്ഞു.
പരിശോധന കഴിഞ്ഞ് വൈകിട്ട് അഞ്ച് മണിയോടെ രോഗികളെ വാർഡിലേക്ക് മാറ്റി. ഈ സമയം ജീവനക്കാരും സഹായത്തിനെത്തി. വരാന്തയിൽ ഒരു ഫാൻ പോലും ഇല്ലാത്തതിനാൽ തങ്ങൾക്ക് ബുദ്ധിമുട്ടുണ്ടെന്ന് പല രോഗികളും പറഞ്ഞു. മെഡിക്കൽ കോളേജ് ആശുപത്രിയിൽ ഒരു പരീക്ഷാ ഹാൾ മാത്രമാണുള്ളതെന്നും പിജി വിദ്യാർത്ഥികളുടെ രണ്ട് പരീക്ഷകളും ഒരുമിച്ചെത്തിയതിനാലാണ് വാർഡിലെ രോഗികളെ മാറ്റിയതെന്നും അധികൃതർ വിശദീകരിച്ചു.