ന്യൂഡൽഹി: ജമ്മുകശ്മീരിൽ തുടർച്ചയായ ഭീകരാക്രമണങ്ങളുടെ പശ്ചാത്തലത്തിൽ കേന്ദ്ര ആഭ്യന്തര മന്ത്രി അമിത് ഷാ ഡൽഹിയിൽ ഉന്നതതല യോഗം ചേരും. കശ്മീരിൽ കൂടുതൽ സൈനികരെ വിന്യസിക്കുന്നത് ഉൾപ്പെടെയുള്ള വിഷയങ്ങൾ യോഗത്തിൽ ചർച്ച ചെയ്യും. കശ്മീരിലെ പ്രദേശവാസികളല്ലാത്തവരെ ലക്ഷ്യമിട്ട് തുടർച്ചയായ ആക്രമണങ്ങൾ തുടരുന്ന പശ്ചാത്തലത്തിലാണ് കൂടിക്കാഴ്ച. ജമ്മു കശ്മീരിലെ കുൽഗാമിൽ ഒരു തീവ്രവാദി ബാങ്കിൽ അതിക്രമിച്ച് കയറി മാനേജരെ വെടിവച്ചുകൊന്നതിനു തൊട്ടുപിന്നാലെ അമിത് ഷാ ദേശീയ സുരക്ഷാ ഉപദേഷ്ടാവ് അജിത് ഡോവലുമായി കൂടിക്കാഴ്ച നടത്തിയിരുന്നു. ഗവർണർ മനോജ് സിൻഹയുമായും ഉന്നത പോലീസ് ഉദ്യോഗസ്ഥരുമായും ജമ്മു കശ്മീർ ലഫ്റ്റനന്റുമായും അമിത് ഷാ കൂടിക്കാഴ്ച നടത്തും. തീവ്രവാദികൾ തങ്ങളെ ലക്ഷ്യമിടുന്നുവെന്നാരോപിച്ച് കശ്മീരി പണ്ഡിറ്റുകൾ ശ്രീനഗറിൽ പ്രതിഷേധം തുടരുകയാണ്. കഴിഞ്ഞ ദിവസം പണ്ഡിറ്റുകൾ ശ്രീനഗർ-ജമ്മു ദേശീയപാത ഉപരോധിച്ചിരുന്നു. ഈ മാസം ആറിനു മുമ്പ് പ്രശ്നം പരിഹരിക്കുമെന്ന് അധികൃതർ ഉറപ്പ് നൽകിയിരുന്നു. ഇവർക്കായി പ്രത്യേക ഹെൽപ്പ് ലൈനും സജ്ജമാക്കിയിട്ടുണ്ട്.
ഇന്നലെ മാത്രമാണ് പ്രദേശവാസികളല്ലാത്ത രണ്ട് പേരെ ഭീകരർ കൊലപ്പെടുത്തിയത്. കുൽഗാമിലെ മോഹനപുരയിലെ എലാകി ദെഹതി ബാങ്കിന്റെ ബ്രാഞ്ച് മാനേജർ വിജയ് കുമാർ കൊല്ലപ്പെട്ടതിനു തൊട്ടുപിന്നാലെ ബുദ്ഗാമിൽ ഇതരസംസ്ഥാന തൊഴിലാളികൾക്ക് നേരെയുണ്ടായ ഭീകരാക്രമണത്തിൽ രാജസ്ഥാൻ സ്വദേശി വിജയ് കുമാർ കൊല്ലപ്പെട്ടു. ഇതോടെ മെയ് 1 മുതൽ കശ്മീരിൽ ഒമ്പത് പേരെ ഭീകരർ വധിച്ചു. രാജസ്ഥാനിലെ ഹനുമാൻഗഡ് സ്വദേശിയായ വിജയ് കുമാർ ഒരാഴ്ച മുമ്പാണ് കുൽഗാമിലെ ബ്രാഞ്ചിന്റെ ചുമതല ഏറ്റെടുത്തത്. സി.സി.ടി.വി ദൃശ്യങ്ങളിൽ ഭീകരൻ വിജയകുമാറിന്റെ മുറിയിൽ കയറി വെടിയുതിർക്കുന്നതും പിന്നീട് മടങ്ങുന്നതും കാണാം.
ഷോപിയാനിലെ ഗോപാലപുരയിൽ ചൊവ്വാഴ്ചയാണ് രജനി ബാല എന്ന അധ്യാപികയെ ഭീകരർ വെടിവച്ച് കൊന്നത്. ജമ്മുവിലെ സാംബ സ്വദേശിയാണ് രജനി. ബുദ്ഗാമിലെ തഹസിൽദാരുടെ ഓഫീസിലെ ജീവനക്കാരനായ രാഹുൽ ഭട്ടും മെയ് 12ൻ കൊല്ലപ്പെട്ടിരുന്നു. വിജയ് കുമാറിന്റെ കൊലപാതകത്തിന്റെ ഉത്തരവാദിത്തം കശ്മീർ സ്വാതന്ത്ര്യസമര സേനാനികൾ ഏറ്റെടുത്തു.