കെജിഎഫ് ചാപ്റ്റർ 2 ബോക്സ് ഓഫീസിൽ കുതിക്കുന്നു. യഷ് നായകനായ ചിത്രം പ്രേക്ഷകരിൽ നിന്ന് മികച്ച പ്രതികരണം നേടുകയും ലോകമെമ്പാടുമായി 1185 കോടി രൂപ നേടുകയും ചെയ്തു. ഇപ്പോൾ കെജിഎഫ് ചാപ്റ്റർ 2, 1200 കോടി രൂപയോട് അടുക്കുകയാണ്. പ്രശാന്ത് നീൽ സംവിധാനം ചെയ്യുന്ന ആക്ഷൻ എൻറർടെയ്നർ കർണാടകയിലെ കോലാർ ഗോൾഡ് ഫീൽഡിൻറെ പശ്ചാത്തലത്തിൽ ഒരുക്കുന്ന പീരിയഡ് ഡ്രാമയാണ്. സിനിമ റിലീസ് ചെയ്തിട്ട് ഒരു മാസമായെങ്കിലും അത് ഇപ്പോഴും ശക്തമായി തുടരുകയാണ്. കെജിഎഫ്: ചാപ്റ്റർ 2 രചനയും സംവിധാനവും നിർവ്വഹിച്ചിരിക്കുന്നത് പ്രശാന്ത് നീലാണ്. യഷ്, സഞ്ജയ് ദത്ത്, രവീണ ടണ്ടൻ, ശ്രീനിധി ഷെട്ടി എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. മാളവിക അവിനാഷ്, പ്രകാശ് രാജ്, ഈശ്വരി റാവു, ശരണ് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഹോംബാലെ ഫിലിംസിൻറെ ബാനറിൽ വിജയ് കിരഗണ്ടൂരാണ് കെജിഎഫ് 2 നിർമ്മിക്കുന്നത്. രവി ബസ്രൂരാണ് ചിത്രത്തിൻറെ സംഗീത സംവിധാനം നിർവ്വഹിച്ചിരിക്കുന്നത്.