ജുറാസിക് വേൾഡ് സീരീസിലെ അവസാന ചിത്രമായ ജുറാസിക് വേൾഡ് ഡൊമിനിയൻറെ അഡ്വാൻസ് ബുക്കിംഗ് തിരഞ്ഞെടുത്ത നഗരങ്ങളിൽ ആരംഭിച്ചു. ചിത്രം ജൂൺ 10ന് 3ഡി, ഐമാക്സ് 3ഡി, ഫോർഡ്ഡിഎക്സ് & 2ഡി ഫോർമാറ്റുകളിൽ റിലീസ് ചെയ്യും. ഇംഗ്ലീഷ്, ഹിന്ദി, തമിഴ്, തെലുങ്ക് എന്നീ ഭാഷകളിലാണ് ചിത്രം റിലീസ് ചെയ്യുന്നത്.
അവസാന ഭാഗം മുൻ രണ്ട് ചിത്രങ്ങളുടെ ഇരട്ടി വലുപ്പമുള്ള ക്യാന്വാസിലാണ് സജ്ജീകരിച്ചിരിക്കുന്നത്. നേരത്തെ പുറത്തിറങ്ങിയ ചിത്രത്തിൻറെ ട്രെയിലറിൽ നിന്ന് ചിത്രം പ്രേക്ഷകർക്ക് ഒരു വിഷ്വൽ ട്രീറ്റ് ആയിരിക്കുമെന്ന് വ്യക്തമായിരുന്നു.
ക്രിസ് പാറ്റ്, ബ്രൈസ് ഡാളസ്, ലോറ ഡെയ്ൻ, സാം നീൽ, ജെഫ് ഗോൾഡ്ബ്ലം, ഡാനിയേല, ഇസബെല്ല സെർമാൻ, ജസ്റ്റിസ് സ്മിത്ത്, ഒമർ സായി, ബിഡി വോങ് തുടങ്ങിയവരും അഭിനേതാക്കളുടെ ഭാഗമാണ്. ജുറാസിക് വേൾഡ് സംവിധാനം ചെയ്ത കോളിൻ ട്രെവോറോയാണ് ഡൊമിനിയൻ സംവിധാനം ചെയ്യുന്നത്. 2018 ൽ പുറത്തിറങ്ങിയ ജുറാസിക് വേൾഡ് ഫാളൻ കിംഗ്ഡം എന്ന ചിത്രത്തിൻറെ തുടർച്ചയാണ് ഈ ചിത്രം.