തിരുവനന്തപുരം: കിഫ്ബിക്കെതിരെ എന്‍ഫോഴ്‌സ്‌മെന്റ് ഡയറക്ടറേറ്റ് അന്വേഷണം പ്രഖ്യാപിച്ചതോടെ സംസ്ഥാന വികസനം അട്ടിമറിക്കാനുള്ള ഇ.ഡിയുടെ ഗൂഢാലോചന പുറത്തുവന്നുവെന്ന് ധനമന്ത്രി ഡോ.തോമസ് ഐസക്ക്. തിരഞ്ഞെടുപ്പ് കാലത്ത് വികസനം അട്ടിമറിക്കാനാണ് ഇ.ഡി ശ്രമിക്കുന്നത്. വിവാദമുണ്ടാക്കി കിഫ്ബി ബോണ്ടുകളുടെ മൂല്യം കുറയ്ക്കാനാണ് ബി.ജെ.പിയുടെ ലക്ഷ്യം. ഇ.ഡി സംസ്ഥാന അധ്യക്ഷന്‍ മനീഷ് രാജസ്ഥാനിലെ ബി.ജെ.പി നേതാവിന്റെ മകനാണെന്നും ധനമന്ത്രി പറഞ്ഞു.