ലണ്ടൻ: ലോകത്തിലെ ഏറ്റവും വലിയ ആമ്പൽ ചെടി ലണ്ടനിലെ ക്യു ഗാർഡൻസ് ഹെർബേറിയത്തിലാണ് സ്ഥിതി ചെയ്യുന്നത്. വെള്ളത്തിൽ വളരുന്ന സസ്യങ്ങളുടെ പരിപാലനത്തിനുള്ള കേന്ദ്രമാണ് ഹെർബേറിയം. കഴിഞ്ഞ 177 വർഷമായി, ഈ ആമ്പൽ ചെടിയുടെ ഒരു ശേഖരം ഇവിടെയുണ്ട്. ലോകത്ത് ഇതുവരെ തിരിച്ചറിഞ്ഞ രണ്ട് ഭീമൻ ആമ്പൽ സസ്യങ്ങളിൽ ഒന്നാണിതെന്ന ധാരണയിലാണ് ഇതുവരെ ഇത് നിലനിർത്തിയിട്ടുള്ളത്. എന്നാൽ അടുത്ത കാലത്തായി, ഈ കാഴ്ചപ്പാടിൽ അതിശയകരമായ ഒരു മാറ്റം സംഭവിച്ചിട്ടുണ്ട്. ലോകത്തെ ഏറ്റവും വലിയ ഈ ആമ്പല്‍ച്ചെടി പുതിയൊരു ജനുസ്സാണ് എന്ന് തിരിച്ചറിഞ്ഞത് ഇപ്പോള്‍ മാത്രമാണ്.
ഇതോടെ, ലണ്ടനിലെ ആമ്പൽ ചെടി 100 വർഷത്തിനിടെ ലോകത്ത് കണ്ടെത്തിയ ആദ്യത്തെ ഭീമൻ ആമ്പൽ സസ്യമായി മാറി. വിക്ടോറിയ ജനുസ്സ് എന്നറിയപ്പെടുന്ന ഈ ഭീമൻ ആമ്പൽ സസ്യ സ്പീഷീസിലെ മൂന്നാമത്തെ അംഗമായി കണക്കാക്കപ്പെടുന്നു. കണ്ടുപിടിത്ത കാലഘട്ടത്തിന്‍റെ കാര്യത്തിൽ ഇത് മൂന്നാമത്തേതാണെങ്കിലും, പുതിയ ജനുസ്സ് മുമ്പ് സൂചിപ്പിച്ചതുപോലെ വലുപ്പത്തിൽ മറ്റ് രണ്ട് ഭീമൻ ആമ്പലുകളേക്കാളും മുന്നിലാണ്.