ഗ്യാന്‍വാപ്പി കേസിൽ മുസ്ലിം സമുദായത്തിന്റെ വാദം വ്യാഴാഴ്ച കേൾക്കുമെന്ന് വാരണാസി ജില്ലാ കോടതി അറിയിച്ചു. നേരത്തെ വാരണാസിയിലെ പള്ളി തർക്കം സുപ്രീം കോടതി നിർദേശത്തെ തുടർന്ന് പരിഗണിക്കുകയായിരുന്നു. പള്ളിക്കകത്ത് നടന്ന ചിത്രങ്ങളും പരിശോധനകളും നിയമവിരുദ്ധമാണെന്നാണ് പള്ളിക്കമ്മിറ്റിയുടെ വാദം. സർവേ റിപ്പോർട്ടിനോടുള്ള എതിർപ്പ് അടങ്ങിയ സത്യവാങ്മൂലം സമർപ്പിക്കാൻ ഹിന്ദു, മുസ്ലിം സമുദായങ്ങളോട് കോടതി ആവശ്യപ്പെട്ടു. ഒരാഴ്ചത്തെ സമയം അനുവദിച്ചു.
1991 ലെ നിയമത്തിന്റെ ലംഘനമാണ് പള്ളിക്കുള്ളിലെ ചിത്രീകരണമെന്ന് പള്ളി കമ്മിറ്റി പറയുന്നു. ആരാധനാലയങ്ങളിൽ ഏതെങ്കിലും തരത്തിലുള്ള മാറ്റം തടയുന്നതിനുള്ള നിയമമാണിത്. തൽസ്ഥിതി നിലനിർത്താനുള്ള ഹർജിയാണ് ആദ്യം കേൾക്കേണ്ടതെന്ന് പള്ളിക്കമ്മിറ്റി പറയുന്നു. കോടതി ഇത് അംഗീകരിച്ചു. കേസിൽ കോടതിക്ക് മുന്നിൽ രണ്ട് കാര്യങ്ങളാണ് ഉണ്ടായിരുന്നത്. ഇവരിൽ ആർക്കാണ് മുൻഗണന നൽകേണ്ടതെന്ന് വാരണാസി കോടതിക്ക് തീരുമാനിക്കാമെന്ന് സുപ്രീം കോടതി നേരത്തെ വ്യക്തമാക്കിയിരുന്നു. ജ്ഞാനവാപി പള്ളിയുടെ സർവേ ആദ്യം നടത്തണമെന്നും തൽസ്ഥിതി തുടരണമെന്നുമാണ് കോടതി മുമ്പാകെയുള്ള ഹർജികൾ.
വീഡിയോഗ്രാഫി സർവേയിൽ പള്ളിക്കുള്ളിൽ ഒരു ശിവലിംഗം കണ്ടെത്തിയതായി ഹിന്ദു സമുദായത്തെ പ്രതിനിധീകരിച്ച് ഹർജിക്കാർ അവകാശപ്പെട്ടിരുന്നു. എന്നാൽ ഇത് കെട്ടിടത്തിൻറെ ഭാഗമാണെന്നും ശിവലിംഗമല്ലെന്നും പള്ളിക്കമ്മിറ്റി അംഗങ്ങൾ പറഞ്ഞിരുന്നു. ഇതിൻ പിന്നാലെയാണ് സ്ഥലം സീൽ ചെയ്യാൻ കോടതി ആവശ്യപ്പെട്ടത്. ഇതേതുടർന്ന് വിശ്വാസികളുടെ ആരാധനാ സ്വാതന്ത്ര്യം കവർന്നെടുക്കരുതെന്ന നിർദ്ദേശം ഉയർന്നിരുന്നു.