കെ.വി തോമസിനെ പുറത്താക്കിയത് മനപ്പൂർവ്വം എടുത്ത തീരുമാനമെന്ന് കോൺഗ്രസ്സ് ദേശീയ ജനറൽ സെക്രട്ടറി കെ.സി വേണുഗോപാൽ. കോൺഗ്രസ്സ് അദ്ദേഹത്തോടൊപ്പം ഇല്ലെങ്കിൽ എന്താണ് കെ വി തോമസ് എന്നും അത് വരും ദിവസങ്ങളിൽ മനസ്സിലാകുമെന്നും വേണുഗോപാൽ പറഞ്ഞു.
തന്നെ കോൺഗ്രസിൽ നിന്ന് പുറത്താക്കിയതായി അറിയിപ്പ് ലഭിച്ചിട്ടില്ലെന്ന് കെ.വി തോമസ്. പാർട്ടിയിൽ നിന്ന് പുറത്താക്കാൻ ഒരു സംവിധാനമുണ്ടെന്നും അത് തീരുമാനിക്കേണ്ടത് എഐസിസിയാണെന്നും ഞാൻ ഇപ്പോഴും എഐസിസിയിലും കെപിസിസിയിലും ഉണ്ടെന്നും അദ്ദേഹം പറഞ്ഞു.
കെ വി തോമസിന്റെ വരവ് ഇടതുപക്ഷത്തിന് ഗുണം ചെയ്യുമെന്ന് മന്ത്രി വി എൻ വാസവൻ. അദ്ദേഹത്തിന്റെ വരവ് തിരഞ്ഞെടുപ്പിൽ കൂടുതൽ മുന്നേറ്റമുണ്ടാക്കാൻ സഹായിക്കുമെന്നും, കോൺഗ്രസ് അദ്ദേഹത്തോട് കാട്ടിയത് നന്ദികേടാണെന്നും വിഎൻ വാസവൻ പറഞ്ഞു.