ആന്ധ്രാപ്രദേശ്, ഒഡീഷ തീരങ്ങളിൽ അനുഭവപ്പെട്ട അസാനി ചുഴലിക്കാറ്റ് ദുർബലമായതായി കേന്ദ്ര കാലാവസ്ഥ വകുപ്പ്. ചുഴലിക്കാറ്റ് ഇപ്പോൾ ന്യൂനമർദ്ദമായി മാറിയിരിക്കുന്നു. ആന്ധ്രയിൽ കനത്ത മഴയിൽ റോഡുകൾക്കും മറ്റ് അടിസ്ഥാന സൗകര്യങ്ങൾക്കും സാരമായ കേടുപാടുകൾ സംഭവിച്ചിട്ടുണ്ട്.അവിടെ ജനജീവിതം താറുമാറായിരിക്കുകയാണ്.
അസാനി ചുഴലിക്കാറ്റിന്റെ സ്വാധീനത്തിൽ ഏറ്റവും കുറഞ്ഞ താപനില രേഖപ്പെടുത്തിയത് ബെംഗളൂരുവിലാണ്. 22 വർഷത്തിനിടയിലെ ഏറ്റവും തണുപ്പുള്ള ദിവസമായിരുന്നു മെയ് 11. ബെംഗളൂരുവിൽ ചൊവ്വാഴ്ച പെയ്ത മഴയിൽ താപനില 24.3 ഡിഗ്രി സെൽഷ്യസായി കുറഞ്ഞു. ഇത് ബെംഗളൂരു നിവാസികളെ സംബന്ധിച്ചിടത്തോളം സന്തോഷത്തിന്റെ വാർത്തയായി.
അസനി ചുഴലിക്കാറ്റ് ഇന്ന് വൈകുന്നേരത്തോടെ ആന്ധ്രാപ്രദേശ് തീരത്ത് ആഞ്ഞടിക്കും. നിലവിലെ സാഹചര്യത്തിൽ കാറ്റിൻറെ തീവ്രത കുറയുമെന്നാണ് റിപ്പോർട്ടുകൾ. വിശാഖപട്ടണം തീരത്ത് നിന്ന് ബംഗ്ലാദേശിലേക്ക് നീങ്ങുന്ന കാറ്റ് ന്യൂനമർദ്ദമായി മാറാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.