പ്രശസ്ത സ്ട്രൈക്കർ ലൂയിസ് സുവാരസ് യൂറോപ്യൻ ക്ലബ് ഫുട്ബോളിനോട് വിടപറയുന്നു. സ്വന്തം നാടായ ഉറുഗ്വേയിൽ, സുവാരസ് തന്‍റെ ആദ്യ ക്ലബ്ബായ നാസിയോണലിലേക്ക് മാറും. സുവാരസ് തന്നെയാണ് ഇക്കാര്യം അറിയിച്ചത്.
35 കാരനായ സുവാരസ് ലോക ഫുട്ബോളിലെ ഏറ്റവും മികച്ച സ്ട്രൈക്കർമാരിൽ ഒരാളായി വാഴ്ത്തപ്പെടുന്നു. കഴിഞ്ഞ എട്ട് വർഷമായി സ്പെയിനിൽ കളിക്കുന്ന സുവാരസ് ഒടുവിൽ സൂപ്പർ ക്ലബ് അത്ലറ്റിക്കോ മാഡ്രിഡിന്‍റെ ജേഴ്സിയാണ് അണിഞ്ഞത്. കഴിഞ്ഞ സീസൺ അവസാനത്തോടെ അത്ലറ്റിക്കോ വിട്ട് ഫ്രീ ഏജന്‍റായി മാറിയ സുവാരസ് ഇപ്പോൾ സ്വന്തം രാജ്യത്തേക്ക് മടങ്ങുകയാണ്. ഈ വർഷത്തെ ലോകകപ്പിന് തയ്യാറെടുക്കുക എന്ന ലക്ഷ്യത്തോടെയാണ് സുവാരസിന്റെ ഈ നീക്കം.
നാസിയോണലുമായി മുൻകൂട്ടി ഉണ്ടാക്കിയ കരാറിലാണ് താൻ ധാരണയിലെത്തിയതെന്ന് സുവാരസ് പറഞ്ഞു. സ്ഥലംമാറ്റം ഉടൻ പൂർത്തിയാകുമെന്ന് സുവാരസ് പറഞ്ഞു. 2001 മുതൽ സുവാരസ് നാസിയോണലിന്‍റെ അക്കാദമി കളിക്കാരനാണ്. 2005-06 സീസണിൽ ഉറുഗ്വേ ലീഗിൽ നാസിയോണലിനായി സുവാരസ് അരങ്ങേറ്റം കുറിച്ചു. സുവാരസിന്റെ പ്രകടനം ക്ലബ്ബിനെ ലീഗ് കിരീടത്തിലേക്ക് നയിക്കാൻ സഹായിച്ചു.