‘പുഷ്പ’യുടെ രണ്ടാം ഭാഗത്തിന്‍റെ തിരക്കഥയിൽ സംഭാവന നൽകാൻ സംവിധായകൻ സുകുമാർ എഴുത്തുകാരെ ക്ഷണിച്ചു. അല്ലു അർജുൻ നായകനായി അഭിനയിച്ച ‘പുഷ്പ: ദി റൈസ്’ എന്ന ചിത്രത്തിന്‍റെ തുടർച്ചയാണ് ‘പുഷ്പ: ദി റൂൾ’. പുഷ്പ: ദി റൂളിന്‍റെ തിരക്കഥയിലെ രംഗങ്ങൾ, ഷോട്ടുകൾ അല്ലെങ്കിൽ ഫ്രെയിമുകൾ പോലും സംഭാവന ചെയ്യാം. എഴുത്തുകാർക്ക് നല്ലൊരു തുക പാരിതോഷികവും നൽകും. തിരക്കഥയ്ക്കുള്ള സംഭാവനകൾക്ക് ചിത്രത്തിന്‍റെ ടൈറ്റിലുകളിൽ ക്രെഡിറ്റുകളും ലഭിക്കും.
രണ്ടാം ഭാഗം ആദ്യത്തേതിനേക്കാൾ മികച്ചതും സവിശേഷവുമാക്കാൻ തയ്യാറെടുക്കുമ്പോഴാണ് എഴുത്തുകാർക്കായി ഈ അവസരം ഒരുക്കുന്നത്. തെലുങ്കിൽ മാത്രമല്ല, മറ്റ് സിനിമാ വ്യവസായങ്ങളിൽ നിന്നുമുള്ള പ്രതിഭാധനരായ എഴുത്തുകാരെ തെലുങ്കിൽ നിർമ്മിക്കുന്ന ചിത്രത്തിനായി അണിനിരത്താം. റിലീസ് ചെയ്ത ആദ്യ ദിവസം തന്നെ പുഷ്പ: ദി റൈസ് കോവിഡിന് ശേഷമുള്ള ഇന്ത്യയിലെ ഏറ്റവും വലിയ ഓപ്പണിംഗ് ഗ്രോസ്സർ എന്ന റെക്കോർഡ് സ്ഥാപിച്ചിരുന്നു. ഈ വർഷം ഏറ്റവും വലിയ ഓപ്പണിംഗ് നേടിയ മാസ്റ്റർ, സ്പൈഡർമാൻ എന്നിവരുടെ റെക്കോർഡാണ് പുഷ്പ തകർത്തത്.