പശ്ചിമഘട്ട മലനിരകളിൽ നിന്ന് പുതിയ സസ്യവർഗത്തെ കണ്ടെത്തി. തൃശ്ശൂർ അടിച്ചിൽ‍ത്തൊട്ടി കോളനിയിൽ നിന്ന് മലക്കപ്പാറയിലേക്കുള്ള യാത്രാമധ്യേ ഓഫിയോറൈസ ജനു‍സിൽപെട്ട സസ്യമാണ് കണ്ടെത്തിയത്. യൂണിവേഴ്സിറ്റി കോളേജിലെ സസ്യശാസ്ത്ര വിഭാഗം മുൻ മേധാവി പ്രൊഫസർ ശശിധരൻ ഈ രംഗത്ത് നൽകിയ സംഭാവനകൾ കണക്കിലെടുത്താണ് പ്ലാൻറിൻറെ പേർ നൽകിയത് – ‘ഓഫിയോറൈസ ശശിധ‍രാനിയാന’. ഫിൻലാൻഡിലെ സുവോളജിക്കൽ ആൻഡ് ബൊട്ടാണിക്കൽ പബ്ലിഷിംഗ് ബോർഡ് പ്രസിദ്ധീകരിച്ച അന്താരാഷ്ട്ര ശാസ്ത്ര ജേണലായ അന്നലെസ് ബോട്ട നിസി ഫെന്നി സിയിലാണ് പുതിയ കണ്ടെത്തലുകൾ പ്രസിദ്ധീകരിച്ചത്.
കേരള സർവകലാശാലയിലെ ബോട്ടണി ഡിപ്പാർട്ട്മെൻറിലെ ഗവേഷകനായ അഖിലേഷ് എസ്.വി.നായർ, ബോട്ടണി വിഭാഗം പ്രൊഫസറും ജൈവവൈവിധ്യ സംരക്ഷണ കേന്ദ്രം ഡയറക്ടറുമായ ഡോ.എ.ഗംഗാ പ്രസാദ്, പാലോട് ജവഹർലാൽ നെഹ്റു ബൊട്ടാണിക്കൽ ഗാർഡൻ ആൻഡ് റിസർച്ച് ഇൻസ്റ്റിറ്റ്യൂട്ട് പ്രിൻസിപ്പൽ സയൻറിസ്റ്റ് ഡോ.കെ..B.രമേഷ് കുമാർ, സീനിയർ ടെക്നിക്കൽ ഓഫീസർ ഡോ.ഇ.എസ്.സന്തോഷ് കുമാർ എന്നിവർ പങ്കെടുത്തു. കാൻസർ വിരുദ്ധ ഗുണങ്ങളുള്ള ഇൻഡോർ ആൽക്കലോയ്ഡ് ക്യാമ്പ്ടൊതെസിസിൻറെ സാന്നിധ്യമാണ് ഒഫിയോറിസ ഇനങ്ങളുടെ പ്രാധാൻയം. അൾസർ, ഹെൽമിത്യസിസ്, പാമ്പിൻറെ വിഷം, മുറിവുകൾ, ഗ്യാസ്ട്രോപ്പതി, കുഷ്ഠരോഗം, ഹൈഡ്രോഫോബിയ എന്നിവയ്ക്കുള്ള പ്രതിവിധികൾ നൽകാനും ഒഫിയോറൈസ സസ്യങ്ങൾ ഉപയോഗിക്കുന്നു.