ഫിഫ റാങ്കിങിൽ ആദ്യ മൂന്നില്‍ നിന്ന് ഫ്രാന്‍സ് പുറത്തായി. നേഷൻസ് ലീഗിൽ ഫ്രാൻസിൻറെ മോശം ഫോമാണ് തിരിച്ചടിയായത്. എന്നാൽ സമീപകാലത്തായി മികച്ച ഫോമിലുള്ള അർജൻറീന ഒരു സ്ഥാനം ഉയർന്ന് മൂന്നാം സ്ഥാനത്തെത്തി. അടുത്തിടെ സമാപിച്ച ഫൈനലിൽ യൂറോപ്യൻ ചാമ്പ്യൻമാരായ ഇറ്റലിയെ തോൽപ്പിച്ചാണ് അർജൻറീന കിരീടം നേടിയത്. അർജൻറീന തുടർച്ചയായി 33 മത്സരങ്ങൾ തോറ്റിട്ടില്ല. ബ്രസീൽ ഒന്നാം സ്ഥാനം നിലനിർത്തുന്നു. ബെൽജിയമാണ് രണ്ടാം സ്ഥാനത്ത്. ഏപ്രിൽ 7 നും ജൂൺ 14 നും ഇടയിൽ നടന്ന 300 മത്സരങ്ങളുടെ ഫലങ്ങൾ ഉൾപ്പെടുത്തിയാണ് എഫ്.ഐ.ആർ.എ പുതിയ റാങ്കിംഗ് പ്രഖ്യാപിച്ചത്.
1838 പോയിൻറുമായി ബ്രസീലാണ് ഒന്നാം സ്ഥാനത്ത്. ബെൽജിയത്തിന് 1822 പോയിൻറും അർജൻറീനയ്ക്ക് 1784 പോയിൻറുമാണുള്ളത്. ഇംഗ്ലണ്ട്, ഇറ്റലി, സ്പെയിൻ, ഹോളണ്ട്, പോർച്ചുഗൽ, ഡെൻമാർക്ക് എന്നീ രാജ്യങ്ങളാണ് അഞ്ച് മുതൽ 10 വരെ സ്ഥാനങ്ങളിൽ. 106-ാം സ്ഥാനത്താണ് ഇന്ത്യ.