ദുബായ് അന്താരാഷ്ട്ര വിമാനത്താവളത്തിൽ യാത്രക്കാരുടെ എണ്ണത്തിൽ വൻ വർധനവ്. ഈ വർഷം നാല് മാസത്തിനുള്ളിൽ 1.78 കോടി യാത്രക്കാരാണ് വിമാനത്താവളത്തിൽ എത്തിയത്. കഴിഞ്ഞ വർഷം ഇതേ കാലയളവിൽ ഇത് 76.17 ലക്ഷമായിരുന്നു. ഇത് 134.7% വർദ്ധിച്ചു.
കോവിഡ് -19 മഹാമാരിക്ക് ശേഷം സർവീസുകൾ സാധാരണ നിലയിലേക്ക് മടങ്ങുകയാണെന്ന് ദുബായ് സിവിൽ ഏവിയേഷൻ അതോറിറ്റി അറിയിച്ചു.
വർഷാവസാനത്തോടെ ഇത് 5.51 കോടി എത്തുമെന്നാണ് പ്രതീക്ഷിക്കുന്നത്. കഴിഞ്ഞ 8 വർഷമായി ലോകത്തിലെ ഏറ്റവും തിരക്കേറിയ വിമാനത്താവളമാണ് ദുബായ്.