പ്രകൃതി ആകർഷകങ്ങളായ ജീവികളാൽ നിറഞ്ഞിരിക്കുന്നു. അവയിൽ ഓരോന്നിനും പ്രത്യേക സവിശേഷതയുണ്ട്. അത്തരത്തിലൊന്നാണ് അന്നാസ് ഹമ്മിംഗ്ബേർഡുകൾ. അവ ആകർഷകമായ നിറങ്ങൾക്ക് പേരുകേട്ടതാണ്. ഇത് മാത്രമല്ല, വ്യത്യസ്ത കോണുകളിൽ നിന്ന് നോക്കുമ്പോൾ അവയുടെ നിറം മാറുന്നതായി തോന്നും. മോഹിപ്പിക്കുന്ന ഈ പ്രതിഭാസത്തിന്‍റെ വീഡിയോ ഇപ്പോൾ വൈറലാണ്.
ട്വിറ്ററിൽ വണ്ടർ ഓഫ് സയൻസ് പങ്കിട്ട വീഡിയോ, അന്നാസ് ഹമ്മിംഗ്ബേർഡിന്‍റെ പ്രത്യേക സ്വഭാവം പ്രദർശിപ്പിക്കുന്നു. ഇവ വ്യത്യസ്ത നിറങ്ങൾ പ്രതിഫലിപ്പിക്കുന്നു. പെരുവിരലിന്‍റെ വലുപ്പം മാത്രമുളള ഈ ചെറിയ പക്ഷി അതിന്‍റെ തല തിരിക്കുകയും ഫ്ലൂറസെന്‍റ് ചുവപ്പ് കലർന്ന പിങ്ക്, കറുപ്പ് എന്നീ ഷേഡുകൾ പ്രദർശിപ്പിക്കുകയും ചെയ്യുന്നു. വ്യൂവിംഗ് ആംഗിൾ മാറുന്നതിനനുസരിച്ച്, നിറങ്ങളും മാറുന്നതായി തോന്നും.