പൃഥ്വിരാജ് നായകനായ ‘കടുവ’യിലെ നായകന്റെ പേര് മാറ്റണമെന്ന് സെൻസർ ബോർഡിന്‍റെ ആവശ്യം. സെൻസർ ബോർഡിന് മുമ്പാകെ ജോസ് കുരുവിനാക്കുന്നലിന്‍റെ പരാതിയിലാണ് വിധി. സിനിമയുടെ അണിയറ പ്രവർത്തകരുടെയും ജോസ് കുരുവിനാക്കുന്നലിന്‍റെ അഭിഭാഷകരുടെയും വാദങ്ങൾ കഴിഞ്ഞ ദിവസം സെൻസർ ബോർഡ് കേട്ടിരുന്നു.
കടുവാക്കുന്നേൽ കുറുവച്ചൻ എന്നാണ് ചിത്രത്തിൽ പൃഥ്വിരാജിന്‍റെ കഥാപാത്രത്തിന്‍റെ പേര്. ജോസ് കുരുവിനാക്കുന്നല്‍ അറിയപ്പെടുന്നത് കുരുവിനാല്‍ക്കുന്നേല്‍ കുറുവച്ചന്‍ എന്ന പേരിലാണ്. കഥാപാത്രത്തിന്‍റെ പേരും ചിത്രത്തിന്‍റെ തിരക്കഥയും അദ്ദേഹത്തിന്‍റെ കഥയ്ക്ക് സമാനമാണെന്ന് അഭിഭാഷകർ വാദിച്ചു. കുറുവച്ചന്‍ എന്ന പേരിന് പകരം മറ്റൊരു പേര് ഉപയോഗിക്കാനാണ് ആവശ്യപ്പെട്ടത്. പരാതിക്കാരന്‍റെ ജീവിതത്തിന്‍റെ യഥാർത്ഥ ആവിഷ്കാരമാണിതെന്നും അദ്ദേഹത്തെ മോശമായി ചിത്രീകരിക്കാൻ ഒന്നുമില്ലെന്നും സെൻസർ ബോർഡ് ഉത്തരവിൽ പറയുന്നു.
സെൻസർ ബോർഡിന്‍റെ നിർദ്ദേശങ്ങൾ പൂർണ്ണമായും പാലിച്ചുകൊണ്ട് ചിത്രം വെള്ളിയാഴ്ച റിലീസ് ചെയ്യും. ഓൺലൈൻ ടിക്കറ്റ് ബുക്കിംഗും ആരംഭിച്ചിട്ടുണ്ട്. പ്രേക്ഷകരെ കാത്തിരിപ്പിച്ചതിനും ബുക്കിംഗ് തുറക്കാന്‍ വൈകിയതിനും ക്ഷമ ചോദിക്കുന്നതായും പൃഥ്വിരാജ് പറഞ്ഞു. ചിത്രത്തിലെ പ്രോമോ ഗാനം കഴിഞ്ഞ ദിവസം പുറത്തുവിട്ടിരുന്നു.