ശ്രീലങ്കയിൽ സ്ഥിതിഗതികൾ അതീവഗുരുതരമായ സാഹചര്യത്തിൽ പ്രതിഷേധക്കാരെ കണ്ടാൽ ഉടൻ വെടിയുതിർക്കാൻ നിർദ്ദേശം. പൊതുമുതൽ നശിപ്പിക്കുകയോ കൊള്ളയടിക്കുകയോ ചെയ്യുന്നത് ശ്രദ്ധയിൽപ്പെട്ടാൽ വെടിവയ്ക്കാൻ നിർദ്ദേശം നൽകിയിട്ടുണ്ട്. കൊളംബോയിലെ തെരുവുകളിൽ നൂറുകണക്കിന് സൈനികരെ വിന്യസിച്ചതിന് പിന്നാലെയാണ് ഉത്തരവ്.
മുൻ അമേരിക്കൻ പ്രസിഡൻറ് ഡൊണാൾഡ് ട്രംപിനെ ട്വിറ്ററിൽ തിരിച്ചെത്താൻ അനുവദിക്കുമെന്ന് എലോൺ മസ്ക്. ക്യാപിറ്റോള്‍ ആക്രമണത്തിന് ശേഷം ട്വിറ്ററിൽ നിന്ന് ട്രംപിനെ വിലക്കിയത് പുനഃപരിശോധിക്കുമെന്ന് മസ്ക് അറിയിച്ചു. താൻ ട്വിറ്റർ സ്വന്തമാക്കിയിട്ടില്ല, അതിനാൽ ഉടനെ വിലക്ക് നീക്കാനാവില്ലെന്നും മസ്ക് പറഞ്ഞു.
ഇറുകിയ ജീൻസും ചായം പൂശിയ മുടിയും നിരോധിച്ച് ഉത്തരകൊറിയ. 20നും 30നും ഇടയിൽ പ്രായമുള്ള യുവതികളെ ലക്ഷ്യമിട്ടാണ് വിചിത്രമായ ഈ നിയമം പുറപ്പെടുവിച്ചത്. പാശ്ചാത്യ രീതികൾ രാജ്യത്ത് നിന്ന് പൂർണ്ണമായും തുടച്ചുനീക്കുകയാണ് ഇത്തരം നിയമങ്ങളുടെ ലക്ഷ്യം. നിയമം ലംഘിക്കുന്നവർക്ക് കടുത്ത ശിക്ഷയും…
ലോകത്തിലെ ഏറ്റവും മൂല്യമുള്ള കമ്പനിയായി സൗദി അരാംകോ. സൗദി എണ്ണക്കമ്പനിയായ അരാംകോ ആപ്പിളിനെ പിന്തള്ളിയാണ് ലോകത്തിലെ ഏറ്റവും മൂല്യവത്തായ കമ്പനിയായി മാറിയത്. കമ്പനിയുടെ വിപണി മൂല്യം 2.464 ട്രില്യൺ ഡോളറാണ്. ഉയർന്ന എണ്ണ വില അരാംകോയുടെ സാധ്യതകളെ പിന്തുണയ്ക്കുന്നതിൽ ഒരു പ്രധാന…
രാഷ്ട്രീയ കലഹങ്ങൾക്കിടയിൽ യുവാക്കളുടെ പിന്തുണ നേടാൻ സ്വന്തം പാർട്ടിയായ തെഹ്രീക്-ഇ-ഇൻസാഫിൽ അംഗത്വമെടുക്കുന്നതിനായി പുതിയ ആപ്പ് പുറത്തിറക്കി പാകിസ്താൻ മുൻ പ്രധാനമന്ത്രി ഇമ്രാൻ ഖാൻ. ‘റാബ്ത’ എന്ന് പേരിട്ടിരിക്കുന്ന ആപ്പ് കൂടുതലും വിദേശ രാജ്യങ്ങളിലുള്ള പാകിസ്ഥാനികളെ ലക്ഷ്യമിട്ടാണ് പുറത്തിറക്കിയത്.
ഭക്ഷ്യക്ഷാമം നേരിടുന്ന പാകിസ്ഥാനിൽ പഞ്ചസാര കയറ്റുമതിക്ക് സമ്പൂർണ നിരോധനം ഏർപ്പെടുത്തി. പ്രാദേശിക ക്ഷാമം ഒഴിവാക്കാനും നിരക്കുകൾ മാറ്റമില്ലാതെ നിലനിർത്താനുമായാണ് ഈ തീരുമാനം. ഉത്തരവ് കർശനമായി നടപ്പാക്കണമെന്നും വീഴ്ചവരുത്തുന്നവർക്കെതിരെ കർശന നടപടി സ്വീകരിക്കുമെന്നും പ്രധാനമന്ത്രി ഷെഹ്ബാസ് ഷെരീഫ് പറഞ്ഞു.
പ്രശസ്തമായ മെറ്റ് ഗാല ഫാഷൻ ഫെസ്റ്റിവലിൽ പട്യാല രാജാവ് ഭൂപീന്ദർ സിംഗിന്റെ ഡയമണ്ട് നെക്ലേസ് ധരിച്ച് ഇന്റർനെറ്റ് താരം എമ്മ ചേംബർലെയ്ൻ. 1928ലാണ് ഭൂപീന്ദർ സിങ് ലോകത്തിലെ ഏറ്റവും വലുപ്പമുള്ള ഏഴാമത്തെ വജ്രം ഉപയോഗിച്ച് അപൂർവമായ ഈ നെക്ലേസ് പണിയിച്ചത്.
മുൻ ശ്രീലങ്കൻ പ്രധാനമന്ത്രി മഹിന്ദ രാജപക്സെയും കുടുംബവും പ്രതിഷേധക്കാരെ ഭയന്ന് നാവിക താവളത്തിൽ അഭയം പ്രാപിച്ചു. ശ്രീലങ്കയിലെ ട്രിങ്കോമാലി നേവൽ ബേസിലാണ് ഇവർ അഭയം പ്രാപിച്ചതെന്നാണ് റിപ്പോർട്ട്. അതേസമയം, നാവിക താവളത്തിന് മുന്നിലും പ്രതിഷേധക്കാർ പ്രതിഷേധിക്കുന്നുണ്ടെന്നാണ് റിപ്പോർട്ട്.
ഏറ്റെടുക്കൽ പ്രക്രിയ പൂർത്തിയായാൽ യൂറോപ്യൻ യൂണിയൻറെ ഉള്ളടക്ക നിയമങ്ങൾ ട്വിറ്റർ പാലിക്കുമെന്ന് ഇലോൺ മസ്ക്. ഇലോണ്‍ മസ്‌കുമായി ചര്‍ച്ച ചെയ്ത വിഷയങ്ങളില്‍ യാതൊരു വിധ എതിരഭിപ്രായങ്ങളും ഉണ്ടായിരുന്നില്ലെന്ന് യൂറോപ്യന്‍ യൂണിയന്റെ ഇന്റേണല്‍ മാര്‍ക്കറ്റ് കമ്മീഷണറായ തിയറി ബ്രെട്ടന്‍ പറഞ്ഞു.
സർക്കാർ വിരുദ്ധ പ്രക്ഷോഭത്തിനു മുൻപിൽ പിടിച്ചുനിൽക്കാനാകാതെ പ്രധാനമന്ത്രി മഹിന്ദ രാജപക്സെ രാജി വച്ചിട്ടും കലിയടങ്ങാതെ പ്രക്ഷോഭകാരികൾ. രാജപക്‌സെയുടെ വീടിന് തീ വെച്ച ജനങ്ങൾ അദ്ദേഹം നാട് വിടാതിരിക്കാൻ നിലവിൽ രാജ്യത്തെ വിമാനത്താവളങ്ങളിൽ നിലയുറപ്പിച്ചിരിക്കുകയാണ്.