ഗുജറാത്തിലെ മെഹ്സാനയിൽ പോലീസ് അനുമതിയില്ലാതെ റാലി നടത്തിയതിന് ജിഗ്നേഷ് മേവാനി ഉൾപ്പെടെ 9 പേർക്ക് 3 മാസത്തെ തടവ് ശിക്ഷ. മെഹ്സാന മജിസ്ട്രേറ്റ് കോടതിയാണ് ശിക്ഷ വിധിച്ചത്. പൊലീസ് അനുമതിയില്ലാതെ റാലി നടത്തിയതിന് 2017 ജൂലൈയിൽ രജിസ്റ്റർ ചെയ്ത കേസിലാണ് അദ്ദേഹത്തെ…
ലവ് ജിഹാദിനായി രാജ്യത്ത് സംഘടിത ശ്രമങ്ങൾ നടക്കുന്നില്ലെന്ന് ദേശീയ ന്യൂനപക്ഷ കമ്മിഷൻ അധ്യക്ഷൻ ഇഖ്ബാൽ സിങ് ലാൽപുര. മതത്തിന്റെ പേരിൽ തെറ്റിദ്ധരിപ്പിച്ച് വിവാഹം കഴിക്കുന്ന ഒറ്റപ്പെട്ട സംഭവങ്ങൾ ഉണ്ടായിട്ടുണ്ട്. എന്നാൽ ഇതിൻ്റെ പേരിൽ ഒരു വിഭാഗത്തെ കുറ്റപ്പെടുത്താൻ സാധിക്കില്ലെന്നും അദ്ദേഹം പറഞ്ഞു.
നിമിഷപ്രിയയുടെ വധശിക്ഷ ഒഴിവാക്കാനുള്ള ശ്രമങ്ങൾ തുടരുകയാണെന്ന് വിദേശകാര്യ മന്ത്രി എസ് ജയശങ്കർ. ശിക്ഷ ഒഴിവാക്കാൻ വിവിധ സന്നദ്ധ സംഘടനകളുമായി ചേർന്ന് പ്രവർത്തിക്കുകയാണ്. കോടതി വിധിക്കെതിരെ യെമൻ സുപ്രീം കോടതിയെ കേന്ദ്ര സർക്കാർ സമീപിക്കും. നിമിഷപ്രിയയ്ക്ക് നിയമസഹായം ഉറപ്പാക്കുമെന്നും എസ്. ജയശങ്കർ പറഞ്ഞു.
വെയിലിന്റെ കാഠിന്യം കടുപ്പിച്ച് തമിഴ്നാട്ടിൽ കത്തിരി വെയിൽ ഇന്നലെ ആരംഭിച്ചു. ഏപ്രിലിൽ ആരംഭിച്ച വേനൽക്കാലം കത്തിരിയോടു കൂടി കൂടുതൽ തിളച്ചു മറിയും. സംസ്ഥാനത്തെ ശരാശരി താപനില വരുംദിനങ്ങളിൽ 40 ഡിഗ്രി കടന്നേക്കും. വെയിലിന്റെ ആഘാതത്തെക്കുറിച്ച് ജനങ്ങൾക്കു ജാഗ്രതാ നിർദേശം നൽകിയിട്ടുണ്ട്.
നാണയപ്പെരുപ്പം രൂക്ഷമായതിനാൽ ബ്രിട്ടാനിയ ഇൻഡസ്ട്രീസ് തങ്ങളുടെ ഉത്പന്നങ്ങളുടെ അളവ് കുറയ്ക്കാൻ ഒരുങ്ങുന്നു. വർധിച്ചു വരുന്ന പണപ്പെരുപ്പത്തെ നേരിടാൻ വില വർധിപ്പിക്കുന്നതിന് പകരമാണ് ഉത്പന്നത്തിന്റെ അളവിൽ കുറവ് വരുത്തുന്നത്.
ഖാലിസ്ഥാൻ ഭീകര സംഘടനകൾക്ക് പാക് രഹസ്യാന്വേഷണ ഏജൻസിയായ ഇന്റർ സർവീസസ് ഇന്റലിജൻസുമായി ബന്ധമുണ്ടെന്ന് കേന്ദ്ര രഹസ്യാന്വേഷണ ഏജൻസികൾ. ഐഎസ്ഐയുടെ സഹായത്തോടെ ഇവർ ഇന്ത്യയിൽ നിരവധി ആക്രമണങ്ങൾക്കും പല സംസ്ഥാനങ്ങളിലെയും രാഷ്ട്രീയ നേതാക്കളെ വധിക്കാനും പദ്ധതിയിടുന്നതായും റിപ്പോർട്ടിൽ പറയുന്നു.
യൂറോപ്പ് പര്യടനം ഇന്ന് അവസാനിക്കെ പ്രധാനമന്ത്രി നരേന്ദ്രമോദിയുടെ 30 വർഷം പഴക്കമുള്ള ഫോട്ടോ വൈറലാകുന്നു. 1993ൽ അമേരിക്കയിൽ നിന്ന് മടങ്ങുകയായിരുന്ന മോദി ജർമ്മനിയിലെ ഫ്രാങ്ക്ഫർട്ട് സന്ദർശിച്ചിരുന്നു. അവിടെ നിന്ന് എടുത്ത ചിത്രം 30 വർഷത്തിന് ശേഷമാണ് സോഷ്യൽ മീഡിയ ഏറ്റെടുത്തിരിക്കുന്നത്.
യൂറോപ്യൻ സന്ദർശനത്തിന് ശേഷം ഡെൻമാർക്കിൽ ഇന്ന് നടക്കുന്ന രണ്ടാമത് ഇന്ത്യ-നോർഡിക് ഉച്ചകോടിയിൽ പ്രധാനമന്ത്രി നരേന്ദ്രമോദി പങ്കെടുക്കും. ഉച്ചകോടിയിൽ വിവിധ രാഷ്ട്രത്തലവന്മാരുമായി പ്രധാനമന്ത്രി ആശയവിനിമയം നടത്തും. ഇന്ത്യയിലേക്ക് കൂടുതൽ നിക്ഷേപം കൊണ്ടുവരിക എന്നതാണ് പ്രധാന ലക്ഷ്യം.
രാജ്യദ്രോഹക്കുറ്റത്തിന്റെ ഭരണഘടനാ സാധുത ചോദ്യം ചെയ്തുള്ള ഹര്‍ജികള്‍ ഭരണഘടനാ ബെഞ്ചിന് വിടണമോയെന്ന കാര്യത്തിൽ നിലപാട് അറിയിക്കാൻ കേന്ദ്ര സർക്കാരിനും ഹർജിക്കാർക്കും സുപ്രീംകോടതി നിർദേശം നല്കി. ചീഫ് ജസ്റ്റിസ് എൻ.വി രമണ അദ്ധ്യക്ഷനായ ബെഞ്ചാണ് ഭരണഘടനാ ബെഞ്ചിന് റഫർ ചെയ്യുന്ന വാദം കേൾക്കുക.
ഈ വർഷം ഒക്ടോബർ മൂന്ന് മുതൽ ബിഹാറിൽ പദയാത്ര നടത്തുമെന്ന് തെരഞ്ഞെടുപ്പ് തന്ത്രജ്ഞൻ പ്രശാന്ത് കിഷോർ. പടിഞ്ഞാറൻ ചമ്പാരൻ ഗാന്ധി ആശ്രമത്തിൽ നിന്ന് ആരംഭിക്കുന്ന പദയാത്ര 3,000 കിലോമീറ്റർ നടത്തും. അടുത്ത 3-4 വർഷത്തേക്ക് പ്രശ്നങ്ങൾ തിരിച്ചറിഞ്ഞ് ജനങ്ങളിലേക്ക് ഇറങ്ങിച്ചെല്ലുകയാണ് ലക്ഷ്യമെന്നും…