ഷഹീൻബാഗിലെ കയ്യേറ്റങ്ങൾ നിയമവിരുദ്ധമാണെങ്കിൽ നീക്കം ചെയ്യാമെന്ന് സുപ്രീം കോടതി. ഹർജിക്കാർ ഹൈക്കോടതിയെ സമീപിക്കണമെന്നും നേരിട്ട് സുപ്രീംകോടതിയിൽ വരരുതെന്നും കോടതി പറഞ്ഞു. എല്ലാ കുടിയൊഴിപ്പിക്കലുകളും തടയാനാവില്ലെന്നും കോടതി വ്യക്തമാക്കി. കുടിയൊഴിപ്പിക്കലിനെതിരെ സി.പി.എം നൽകിയ ഹർജിയിലാണ് ഈ പരാമർശം.
പ്രധാനമന്ത്രിയുടെ ഓഫീസിലെ ജീവനക്കാരനെന്ന വ്യാജേന യുവതിയെ കബളിപ്പിച്ച കേസിൽ അറസ്റ്റിലായ അരഹന്ത് മോഹൻ കുമാർ കഴിഞ്ഞ നാല് വർഷത്തിനിടെ 39 വിദേശരാജ്യങ്ങൾ സന്ദർശിച്ചതായി കണ്ടെത്തി. ഇയാൾ വിദേശത്തും ഏതെങ്കിലും തരത്തിലുള്ള തട്ടിപ്പുകൾ നടത്തിയോയെന്ന് പൊലീസ് അന്വേഷിക്കുന്നുണ്ട്.
ചെറുകിട സ്വർണക്കടത്തിനെ തീവ്രവാദ പ്രവർത്തനമായി കാണാനാവില്ലെന്ന് രാജസ്ഥാൻ ഹൈക്കോടതി. യു.എ.പി.എ നിയമത്തിൻറെ ഷെഡ്യൂൾ രണ്ടിൽ കസ്റ്റംസ് ആക്ട് ഇല്ലെന്ന് ചൂണ്ടിക്കാട്ടിയാണ് കോടതി ഉത്തരവ്. ചെറുകിട സ്വർണക്കടത്ത് രാജ്യത്തിൻറെ സാമ്പത്തിക ഭദ്രതയെ ബാധിക്കില്ലെന്ന് ഡിവിഷൻ ബെഞ്ച് നിരീക്ഷിച്ചു.
ഷഹീൻബാഗിൽ കുടിയൊഴിപ്പിക്കൽ നടപടികള്‍ക്കെതിരായ പ്രതിഷേധത്തെ പ്രതിരോധിക്കാന്‍ പൊലീസ് എത്തിയതിന് പിന്നാലെ കോൺഗ്രസും ആം ആദ്മി പാർട്ടിയും ശക്തമായ പ്രതിഷേധവുമായി രംഗത്തെത്തി. ജനകീയ പ്രതിഷേധത്തെ തുടർന്ന് നടപടികൾ നിർത്തിവച്ചിരിക്കുകയാണ്.
പഞ്ചാബിൽ ഭീകരാക്രമണം നടത്താനുള്ള പദ്ധതി പോലീസ് പരാജയപ്പെടുത്തി. 1.5 കിലോഗ്രാം ആർഡിഎക്സ് അടങ്ങിയ ഐഇഡി ടൈം ബോംബ് കണ്ടെത്തി പോലീസ് നിർവീര്യമാക്കി. പഞ്ചാബ് അതിർത്തിയിൽ മയക്കുമരുന്ന് കടത്തുകയായിരുന്ന പാക് ഡ്രോൺ ബിഎസ്എഫ് വെടിവച്ചിട്ടു. ബോംബുമായി വന്ന രണ്ടുപേരെ പോലീസ് പിടികൂടി.
റാഞ്ചിയിൽ ഭിന്നശേഷിയുള്ള കുട്ടിയെ വിമാനത്തിൽ യാത്ര ചെയ്യാൻ അനുവദിച്ചില്ലെന്ന് പരാതി. ഭിന്നശേഷിയുള്ള കുട്ടിയെ യാത്രക്കാരുടെ സുരക്ഷ കണക്കിലെടുത്ത് ഇൻഡിഗോ എയർലൈൻസിൽ യാത്ര ചെയ്യാൻ അനുവദിച്ചില്ലെന്നാണ് പരാതി. സംഭവത്തിൽ ഡിജിസിഐ റിപ്പോർട്ട് തേടി.
പൗരത്വ ഭേദഗതി നിയമത്തിനെതിരായ പ്രതിഷേധങ്ങളുടെ കേന്ദ്രബിന്ദുവായ ഷഹീൻ ബാഗിൽ ബുൾഡോസറുകളുമായി കുടിയൊഴിപ്പിക്കൽ നടപടികൾ തുടങ്ങി. വൻ പോലീസ് സന്നാഹത്തിൻറെ സാന്നിധ്യത്തിലായിരുന്നു നടപടി. അതേസമയം കുടിയൊഴിപ്പിക്കലിനെതിരെ വലിയ പ്രതിഷേധമാണ് നാട്ടുകാർ ഉയർത്തുന്നത്.
ജെറ്റ് എയർവേയ്സ് അടുത്ത ഏതാനും മാസങ്ങൾക്കുള്ളിൽ വാണിജ്യ സർവീസുകൾ പുനരാരംഭിക്കാനൊരുങ്ങുന്നു. വിമാന സർവീസുകൾ പുനരാരംഭിക്കുന്നതിന് ആഭ്യന്തര മന്ത്രാലയം സുരക്ഷാ ക്ലിയറൻസ് നൽകി. രാജ്യത്തെ ഏറ്റവും പഴക്കമുള്ള പ്രൈവറ് എയർലൈൻ സർവീസാണ് നരേഷ് ഗോയലിന്റെ ഉടമസ്ഥതയിലുള്ള ജെറ്റ് എയർവേയ്സ്.
ഹിമാചൽ പ്രദേശ് സർക്കാർ സംസ്ഥാന നിയമസഭയുടെ ചുമരുകളിലെ ‘ഖാലിസ്ഥാൻ’ ബാനറുകൾക്കും ചുവരെഴുത്തുകൾക്കും എതിരെ നടപടിയെടുത്തു. നിരോധിത സംഘടനയായ സിഖ്സ് ഫോർ ജസ്റ്റിസ് നേതാവ് ഗുർപത്വന്ത് സിംഗ് പന്നൂവിനെതിരെയാണ് കേസ് രജിസ്റ്റർ ചെയ്തിരിക്കുന്നത്.
ഇന്ത്യയിലെ ഇ വാഹന വ്യവസായത്തിന് ഉത്തേജനം നൽകുന്ന പദ്ധതിയുമായി ടൊയോട്ട. ജാപ്പനീസ് കാർ നിർമ്മാതാക്കൾ ഇന്ത്യയിൽ നിന്ന് ഇവി ഭാഗങ്ങൾ നിർമ്മിക്കാൻ 48 ബില്യൺ രൂപ നിക്ഷേപിക്കാൻ പദ്ധതിയിടുന്നു. ടൊയോട്ട കിർലോസ്കർ മോട്ടോറും ടൊയോട്ട കിർലോസ്കർ ഓട്ടോ പാർട്സും കർണാടകയുമായി ധാരണാപത്രം…